Rasijanina zatrymali ŭ minskim aeraporcie za sprobu vyvieźci skradzienuju piać hadoŭ tamu dačku
U noč na 22 maja pry afarmleńni rejsa Minsk—Dubaj u staličnym aeraporcie pamiežniki zatrymali mužčynu i dziaŭčynku z pašpartami hramadzian Rasii, jakija vyklikali padazreńni. Dakumienty byli častkova padroblenyja — staronki z ustanoŭčymi danymi byli zamienienyja, paviedamlaje Pamiežny kamitet.
Akazvajecca, mužčyna byŭ abvieščany ŭ miždziaržaŭny vyšuk MUS Rasii za zabojstva, a taksama pazbaŭleny baćkoŭskich pravoŭ i nie moh pražyvać ź dziciom na zakonnych padstavach. Paśla hetaha jon vykraŭ dziaŭčynku ŭ maci i piać hadoŭ chavaŭsia ź joj. Kab paźbiehnuć kryminalnaj adkaznaści, vyrašyŭ źjechać u Abjadnanyja Arabskija Emiraty praz našu krainu.
Dziaŭčynka pieradadziena supracoŭnikam kryminalnaha vyšuku HUUS Minharvykankama dla viartańnia maci.
Mužčyna zatrymany i źmieščany ŭ izalatar časovaha ŭtrymańnia. U dadzieny momant vyrašajecca pytańnie ab zaviadzieńni ŭ dačynieńni da jaho kryminalnaj spravy. Za sprobu niezakonnaha pierasiačeńnia miažy jamu pahražaje štraf da 100 bazavych vieličyń (4200 rubloŭ), a za vykarystańnie padroblenych dakumientaŭ — abmiežavańnie voli na termin da dvuch hadoŭ.
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary