U Vjetnamie niećviarozy mužčyna paškodziŭ tron apošniaha impieratara krainy
U Vjetnamie mužčyna paškodziŭ impieratarski tron u adnym z pałacaŭ apošniaj impieratarskaj dynastyi krainy. Z-za taho, što tron ličycca nacyjanalnaj kaštoŭnaściu, parušalnika nakiravali na psichijatryčnuju ekśpiertyzu, piša CNN.
Incydent adbyŭsia ŭ horadzie Chiue, dzie znachodziacca pałacy dynastyi Nhujen, jakaja kiravała Vjetnamam z 1802 da 1945 hoda, da zrynańnia manarchii. Hetyja pałacy ŭvachodziać u śpis Suśvietnaj spadčyny JUNIESKA.
Jak paviedamlajuć miascovyja ŚMI, mužčyna, jaki vyhladaŭ mocna pjanym, niejkim čynam pralez u zakrytuju častku pałaca Tchaj Choa — adnaho z hałoŭnych histaryčnych budynkaŭ. Jon kryčaŭ niešta niezrazumiełaje i złamaŭ levy padłakotnik cyrymanijalnaha trona. Na apublikavanych fota bačnaja častka trona z hałavoj drakona, jakaja lažyć na padłozie razam ź inšymi frahmientami.
Z-za prykmiet psichičnaj niestabilnaści i dziŭnych pavodzin mužčynu adpravili na miedycynskuju pravierku. U kompleksie histaryčnych pomnikaŭ ciapier uzmacniajuć miery biaśpieki, kab abaranić nacyjanalnyja kaštoŭnaści.
U Vjetnamie karalevu pryhažości aryštavali za padman z cukierkami
Vosiem azijackich sousaŭ, jakija varta mieć na kuchni
ZŠA ŭvodziać pošliny da 3521% na soniečnyja paneli z Paŭdniova-Uschodniaj Azii
«U hateli staić achova tolki praz toje, što ty biełaj rasy». Jak biełarus pracavaŭ u Vjetnamie, Zimbabve i Filipinach
Kamientary