Palitźniavolenaha asudzili pavodle art. 411 KK (złosnaje niepadparadkavańnie administracyi kałonii). Jamu pryznačyli jašče paŭhoda pazbaŭleńnia voli ŭ dadatak da šaści hadoŭ kałonii.
Pra heta paviedamiŭ padčas IV Kanfierencyi biełarusaŭ i biełarusak śvietu stryječny brat palitviaźnia — palityk Pavieł Łatuška, piša «Viasna».
Raniej Anatolu ŭžo ŭzmacniali pakarańnie: hod tamu jaho pieraviali na turemny režym u Hrodna. Vierahodna, tam suprać jaho i zaviali novuju kryminalnuju spravu.
Anatol — stryječny brat palityka Paŭła Łatuški. U sudzie Centralnaha rajona Minska 20 vieraśnia 2022 hoda Anatolu pryznačyli šeść hadoŭ kałonii, Alenie Malinoŭskaj — čatyry hady kałonii, Lilii Ananian — piać hadoŭ «chatniaj chimii». Łatušku jašče aštrafavali na 300 bazavych vieličyniaŭ i pastanavili kampiensavać škodu paciarpiełym.
Fihurantaŭ spravy zatrymali 31 studzienia 2022 hoda za malavańnie pa trafarecie na paštovych skryniach u padjezdach hierba «Pahonia» i źmiaścili pad vartu. Viadoma, što paśla zatrymańnia Anatola mocna źbivali. Padčas suda, jaki prachodziŭ u adkrytym režymie, byli ahučanyja padrabiaznaści prymianieńnia fizičnaj siły da jaho ŭ Centralnym RUUSa Minska.
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary
Jaho i čalcoŭ jaho kamandy patrebna baranić.
Jamu pastupajuć pahrozy, navat achovu jamu dali palaki, cisnuć praz svajakoŭ, cisnuć praz patrabavańni ŭziać adkaznaść za toje, što śpiecsłužby atakavali Mielnikavu.
(Pry čym dziŭna, što patrabujuć tyja, chto zdavałasia b prynaležyć da demruchu, a prapahandony ž uvohule maŭčać pra byccam by ich apieracyju, jakuju jany ładzili bolš za hod)
I z bolšaha, najbolš balučyja dla łukašystaŭ dziejańni iduć ad kamandy Łatuški - heta i dokazy dla orderu MKS, heta i praŭka ab raspaŭsiudžvańni dziejańnia Śpiectrybunału na łuku i padzielnikaŭ.
Heta i sankcyi. I aktyŭnaje prasoŭvańnie nie vyznańnia łuki na mižnarodnym uzroŭni.
Bieražycie PałPałyča.
Jaho svajaku mocy i zdaroŭja