Błohier-pravakatar Jaŭhien Kakojta ŭ źniavoleńni schudnieŭ na 30 kh
Padpisčykam Jaŭhien Kakojta pakazaŭ svaju žoŭtuju birku palitźniavolenaha.
Homielski pravakatar Jaŭhien Katlaroŭ (Kakojta) raskazaŭ u sacsietkach pra toje, što skinuŭ u źniavoleńni 30 kiłahramaŭ.
U svajoj maniery Katlaroŭ raskazaŭ pra svajo byłoje źniavoleńnie. «Minus 30 kh heta lohka!)) Adnaŭleńnie piečani i nyrak. Praduhledžanyja prahramy roznaj praciahłaści i stupieni ŭździejańnia))» — adrekłamavaŭ jon «azdaraŭlenčuju» prahramu.
Pry hetym jon prademanstravaŭ žoŭtuju birku palitviaźnia.
Jaŭhien Katlaroŭ, viadomy taksama pad psieŭdanimami «Kakojta» i «Mikita Kancavy» — žychar Homiela, jaki atrymaŭ šyrokuju viadomaść praz aktyŭnaści ŭ internecie. Jon zajmaŭsia stvareńniem pravakacyjnych materyjałaŭ, raspaŭsiudžvańniem fejkavych navin i danosaŭ na apazicyjnych aktyvistaŭ. U pryvatnaści, jaho śviedčańni vykarystoŭvalisia ŭ kryminalnych spravach suprać žurnalista Andreja Tołčyna i pravaabaroncy Leanida Sudalenki.
Uviesnu 2024 hoda Katlaroŭ byŭ zatrymany paśla publikacyi videa z krytykaj uładaŭ, u jakich vykazvaŭ rasčaravańnie dziejańniami čynoŭnikaŭ.
30 vieraśnia 2024 hoda ŭ sudzie Navabielickaha rajona Homiela pačaŭsia sudovy praces nad Katlarovym-Kakojtam, jakoha abvinavacili pa troch «palityčnych» artykułach: dyskredytacyja Respubliki Biełaruś (art. 369-1) i abraza pradstaŭnika ŭłady (art. 369 KK RB). Pa vynikach zakrytaha suda jamu vynieśli prysud — 1,5 hoda kałonii ahulnaha režymu z maksimalna mahčymych 4 hadoŭ.
Pravaabarončy centr «Viasna» pryznaŭ Jaŭhiena Katlarova palitviaźniem, padkreślivajučy, što jahony pieraśled byŭ palityčna matyvavany i źviazany ź mirnaj realizacyjaj prava na vykazvańnie mierkavańnia.
U mai 2025 hoda Katlaroŭ vyjšaŭ na volu, vierahodna, całkam adbyŭšy prysudžany termin. Paśla vyzvaleńnia jon abnaviŭ svaju staronku ŭ sacyjalnych sietkach, dzie apublikavaŭ śpis palitviaźniaŭ, ź jakimi sustrakaŭsia padčas źniavoleńnia.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im9
Kamientary