Homielski danosčyk i pravakatar Jaŭhien Katlaroŭ (Kakojta) vyjšaŭ na volu, vierahodna, całkam adbyŭšy svoj termin, zaŭvažyŭ «Fłahštok».
Jaŭhiena Katlarova zatrymali viasnoj 2024 hoda paśla sieryi videa z krytykaj ułady. Zatym jaho abvinavacili ŭ ździajśnieńni złačynstvaŭ pa palityčnych artykułach: dyskredytacyja Respubliki Biełaruś i abrazu pradstaŭnika ŭłady, asudziŭšy na 1,5 hoda kałonii ahulnaha režymu. Z ulikam času ŭtrymańnia ŭ SIZA hety termin moh skončycca ŭ siaredzinie maja.
«Fłahštok» zaŭvažyŭ, što Katlaroŭ źjaviŭsia ŭ siecivie i abnaviŭ svaju staronku.
Vykłaŭšy niekalki samatužnych vieršaŭ, pravakatar zrabiŭ asobny post, u jakim zhadaŭ palityčnych źniavolenych:
«Jaŭhien Mierkis, Alaksandr Danilevič, Alaksandr Šabalin, Andrej Marač, Jahor Lebiadok, Alaksandr Kandraciuk, Viktar Załatareŭski, Fišman, Raman Jankoŭski, Dźmitryj Mielechaviec, Alaksandr Nievar… Ludzi, jakich bačyŭ tam asabista. Niekatoryja navat nadakučyli i razdražniali svaim viečnym nyćciom».
Miarkujučy pa pieraličanych proźviščach, kali Katlaroŭ sapraŭdy sustrakaŭ hetych ludziej, to jon byŭ u PK № 17 u Škłovie, dzie trymajuć tych, kaho zhadaŭ pravakatar. Kali jon nie chłusić, to mižvoli paviedamiŭ pra miesca znachodžańnia vajskovaha analityka Jahora Lebiadka — miesca jahonaha źniavoleńnia dahetul nie było viadomaje pravaabaroncam.
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno2626
Kamientary
Vyjšaŭ raniej za dobryja pavodziny (s(t)ukačom padpracoŭvaŭ)