Hramadstva66

«Pieraśledujuć za ažyćciaŭleńnie svabody dumki». «Viasna» patłumačyła, čamu pravakatara Kakojtu pryznali palitviaźniem

U dačynieńni da Jaŭhiena Katlarova było dapuščana najhrubiejšaje parušeńnie pravoŭ čałavieka, tamu jon pryznany palitviaźniem, paviedamili pravaabaroncy vydańniu «Pozirk».

U adkazie na zapyt «Pozirku» adznačajecca, što Katlarova sudzili pavodle art. 369-1 (dyskredytacyja Respubliki Biełaruś) i 369 (abraza pradstaŭnika ŭłady) KK. Hetyja dziejańni dziaržavy źjaŭlajucca «advolnym abmiežavańniem prava na svabodu vykazvańnia mierkavańnia»: u adpaviednaści z art. 19 Mižnarodnaha pakta ab hramadzianskich i palityčnych pravach kožny čałaviek maje prava na svabodnaje vykazvańnie svajho mierkavańnia; hetaje prava ŭklučaje svabodu šukać, atrymlivać i raspaŭsiudžvać usialakaha rodu infarmacyju i idei, niezaležna ad dziaržaŭnych miežaŭ, vusna, piśmova ci z dapamohaj druku abo mastackich formaŭ vykazvańnia, ci inšymi sposabami na svoj vybar.

Karystańnie hetymi pravami moža padlahać abmiežavańniam, jakija pavinny być ustanoŭleny zakonam i źjaŭlacca nieabchodnymi dla pavahi pravoŭ i reputacyi inšych asob, achovy dziaržaŭnaj biaśpieki, hramadskaha paradku, zdaroŭja abo maralnaści nasielnictva, havorycca ŭ kamientary.

«Lubyja abmiežavańni nie pavinny padryvać sutnaść samoha prava, i ŭ hetym sensie pazbaŭleńnie voli za takoha rodu dziejańni, jakija pastavili ŭ vinu Katlarovu, — heta najhrubiejšaje parušeńnie pravoŭ čałavieka», — ličać pravaabaroncy.

Taksama, u adpaviednaści z Kiraŭnictvam pa vyznačeńni paniaćcia «palityčny źniavoleny», kali pazbaŭleńnie voli było ŭžyta vyklučna z-za palityčnych, relihijnych ci inšych pierakanańniaŭ, a taksama ŭ suviazi ź niehvałtoŭnym ažyćciaŭleńniem svabody dumki, sumleńnia i relihii, svabody vykazvańnia mierkavańniaŭ i infarmacyi, svabody mirnych schodaŭ i asacyjacyj, inšych pravoŭ i svabod, harantavanych Mižnarodnym paktam ab hramadzianskich i palityčnych pravach, asoba pryznajecca palityčnym źniavolenym.

«Akramia taho, asudžeńnie Katlarova supravadžałasia hrubym parušeńniem pryncypu spraviadlivaha pravasudździa — jaho sprava była razhledžanaja na zakrytym pasiadžeńni biez adpaviednych padstaŭ», — adznačyli ŭ PC «Viasna».

20 listapada biełaruskaja pravaabarončaja supolnaść pryznała palitviaźniami jašče 13 čałaviek. Siarod ich Katlaroŭ, viadomy taksama jak internet-pravakatar. Jon adznačyŭsia i tym, što śviedčyŭ suprać pravaabaroncy Leanida Sudalenki na palityčna matyvavanym pracesie, pa vynikach jakoha toj byŭ pryhavorany da troch hadoŭ źniavoleńnia, raniej ładziŭ pravakacyi suprać niezaležnych ŚMI, padajučy im iłžyvuju infarmacyju pad vyhladam aktyvista apazicyi.

Taksama, pavodle źviestak pravaabaroncaŭ, jaho danosy stali padstavaj dla abvinavačvańnia niekalkich inšych hamialčan pa administracyjnych i kryminalnych artykułach.

Katlaroŭ byŭ zatrymany viasnoj 2024 hoda paśla publikacyi niekalkich videazapisaŭ, dzie jon krytykavaŭ dziejańni čynoŭnikaŭ Homielskaha abłvykankama.

Pryhavor — 1,5 hoda pazbaŭleńnia voli-vynies sud Navabielickaha rajona Homiela sioleta 8 kastryčnika (sudździa Hienadź Kałacej).

Kamientary6

  • Oks
    21.11.2024
    Gar, kali Vam nie padabajucca jahonyja dumki, heta nie značyć, što jon nie maje pravoŭ i nie musić być abaronieny. Zakony adzinyja dla ŭsich.
  • babrujčanin
    21.11.2024
    Pamyłkovaja škodnaja pazicyja ..na moj pohlad
    Mnie ni padabajecca vašaja pazicyja ale addam žyćcie kab vy jaje vykazali..40 -35 hod tamu jaje prasoŭvali pad čas Harbačova Jak vynnmk??
  • .
    21.11.2024
    Oks, A ŭmoŭny Strałkoŭ Hirkin, Bondarava, ci toj ža Hiebiels ci "dochtar (ka) Mienhiel" što vykazvała dumki ab fizičnym źniščeńni ŭ piečach habrejaŭ i ich dziaciej? U ich tak sama jość dumki, słovy i dziejańni.
    Tut albo kryžyk źniać, albo majtki nadzieć.

Ciapier čytajuć

Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada8

Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada

Usie naviny →
Usie naviny

U Minsku pradajuć hatovy biznes za $30 miljonaŭ. Što za jon3

Navalničny front dabraŭsia da Minska

Źmierajcie svaju taliju i rost — hetyja dźvie ličby šmat skažuć pra vaša zdaroŭje

Urad vyznačyŭsia ź pieranosam pracoŭnych dzion u nastupnym hodzie

Učora ŭ Minsku prapaŭ chłopčyk, jaki nie razmaŭlaŭ

«Čamu ty adklučyŭ ruchaviki?» Papiaredni dakład ab katastrofie samalota Air India vyklikaŭ jašče bolš sprečak4

«Razam adkryvali kantynient biełaruščyny». Vincuk Viačorka zhadaŭ pra Edvarda Zajkoŭskaha3

Na Vałyni raźbiŭsia francuzski źniščalnik Mirage4

Premjeru i śpikieru Siejma Litvy prypomnili, što jany 17 hadoŭ tamu jeździli ŭ Biełaruś6

bolš čytanych navin
bolš łajkanych navin

Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada8

Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada

Hałoŭnaje
Usie naviny →

Zaŭvaha:

 

 

 

 

Zakryć Paviedamić