Baraviki, babki, maślaki, apieńki… Pa ŭsioj Biełarusi ŭžo aktyŭna źbirajuć hryby
Paśla pieršych paviedamleńniaŭ ad hrybnikoŭ-«prafiesijanałaŭ» pra toje, što ŭ biełaruskich lasach na hetym tydni źjavilisia «sapraŭdnyja» hryby — baraviki, mnohija vyrašyli pierakanacca ŭ hetym na svaje vočy. U vyniku da vychadnych tyktok i tematyčnyja «hrybnyja» čaty i supołki ŭ sacsietkach akazalisia zavalenyja videa i fota nie tolki baravikoŭ, ale i pieršych čyrvonahałovikaŭ, maślakoŭ i viasnova-letnich apieniek, piša Telegraf.news.
Hieahrafija hrybnych znachodak akazałasia vielmi raznastajnaj. Tak, entuzijasty ź Minskaj vobłaści ŭ adnym z tematyčnych telehram-kanałaŭ «Hryby Biełarusi» pachvalilisia ŭradžajem viasnova-letnich apieniek.
Udzielniki hrupy «Ukantakcie», u svaju čarhu, pachvalilisia «ŭradžajem» čyrvonahałovikaŭ, jakija ŭdałosia sabrać dzieści ŭ Puchavickim rajonie.
Miarkujučy pa kamientarach, asobnyja čyrvonahałoviki sustrakalisia padčas «raźviedprahułak» pa lesie ŭdzielnikam tematyčnaj hrupy taksama ŭ Homielskim i Minskim rajonach.
Padzialilisia kadrami ź lesu i hrybniki z Bresckaj vobłaści, jakija taksama ŭžo abviaścili hrybny siezon adkrytym u svaim rehijonie. Pry hetym aŭtarka videa adznačyła, što asablivaha sensu «łamicca ŭ les» prosta ciapier niama — pieršyja babki joj sustrelisia ŭ lesapałasie, niedaloka ad vadajoma.
Videa ź pieršymi baravikami ŭ tyktoku padzialilisia hrybniki z Barysaŭskaha rajona, a taksama inšych rehijonaŭ Minskaj vobłaści.
A voś hrybnikam z Babrujskaha rajona, a taksama adnaho z rehijonaŭ Minskaj vobłaści paščaściła ŭ mai pałasavacca śviežymi maślakami. U kamientarach pad hetymi videa hledačy raskazali, što maślaki, a taksama baraviki ŭžo taksama traplajucca dzie-nidzie ŭ Łojeŭskim rajonie.
U svaju čarhu, zaŭziaty biełaruski hrybnik Alaksandr Harbacevič, jaki taksama nie pierastaje dzialicca svaimi hrybnymi znachodkami, nahladna prademanstravaŭ, čamu ŭ pahoni za hrybami biełarusam varta pamiatać pra miery zaściarohi. Pavodle jaho słoŭ, u amataraŭ pieršych letnich hryboŭ u lesie jość «surjoznyja kankurenty» ŭ asobie miadźviedziaŭ — jany taksama nie suprać pałasavacca imi. U sensie hrybami, a nie hrybnikami, ale heta ŭžo zaležyć ad abstavin.
Ciapier čytajuć
Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond17
Kamientary