Zmahajučysia ź pierapaŭnieńniem turmaŭ, u Brytanii vyrašyli vypuskać źniavolenych, što adbyvali tracinu terminu
Brytanski ŭrad prapanavaŭ turemnuju reformu, jakaja dazvolić bolšaści źniavolenych u Anhlii i Uelsie vyzvalacca z turmaŭ umoŭna-daterminova paśla adbyćcia ŭsiaho traciny pryznačanaha terminu, piša Bi-bi-si.
Bolšaść brytanskich źniavolenych vychodziać z turmaŭ paśla adbyćcia pałovy terminu.
Adnak letaś, sutyknuŭšysia ź pierśpiektyvaj chutkaha pierapaŭnieńnia turmaŭ, lejbaryscki ŭrad vyrašyŭ vypuskać złačyncaŭ, asudžanych na terminy bolš za piać hadoŭ, užo paśla adbyćcia 40% terminu. U pieryjad ź vieraśnia pa śniežań, kali dziejničali hetyja nadzvyčajnyja miery, pavodle dadzienych urada, było vypuščana bolš za 16 tysiač asudžanych.
U čaćvier, vystupajučy ŭ Pałacie abščyn, ministr justycyi Šabana Machmud padkreśliła, što reforma nie zakranie asudžanych za asabliva ciažkija hvałtoŭnyja złačynstvy. Im, jak i raniej, daviadziecca adbyć jak minimum dźvie traciny svajho terminu. Toje ž datyčycca i asudžanych za teraryzm.
Cieniavy ministr justycyi Robiert Dženryk nazvaŭ płany lejbarystaŭ «lohkim sposabam vychadu z turmy dla niebiaśpiečnych złačyncaŭ». Na heta Machmud adkazała, što ŭrady kansiervataraŭ, členam jakich byŭ i Dženryk, za 14 hadoŭ pry ŭładzie pašyryli ŭmiaščalnaść turmaŭ nie bolš jak na 500 miescaŭ.
Na minułym tydni ŭrad aceńvaŭ umiaščalnaść turmaŭ u 89 442 miescy. Amal usie miescy tady byli zaniatyja: u turmach znachodziłasia 88 087 čałaviek.
Lejbaryscki ŭrad zajaŭlaje, što ź lipienia minułaha hoda, kali jon pryjšoŭ da ŭłady, jon užo stvaryŭ 2400 dadatkovych miescaŭ u turmach (tak, u krasaviku pačała pracavać novaja turma niedaloka ad Jorka na 1500 miescaŭ). Da 2031 hoda płanujecca pabudavać jašče try turmy i takim čynam pavialičyć umiaščalnaść na 14 tysiač miescaŭ.
Adnak Machmud pryznała ŭ parłamiencie, što turemnaje nasielnictva ŭ apošnija hady rasła na «3000 čałaviek u hod», tamu prablema adsutnaści miescaŭ uźnikaje pastajanna.
Taksama ministr paćvierdziła pašyreńnie jašče na 20 anhlijskich turmaŭ nievialikaj ekśpierymientalnaj schiemy, što prapanuje niekatorym asudžanym za złačynstvy suprać pałavoj niedatykalnaści mahčymaść dobraachvotnaj chimičnaj kastracyi.
Pavodle słoŭ Machmud, urad vyvučyć mahčymaść zrabić chimičnuju kastracyju dla takich asudžanych nie dobraachvotnaj, a abaviazkovaj.
-
Sieuł patrabuje ad Kijeva vybačeńniaŭ za raskryćcio infarmacyi ab pieradačy Paŭdniovaj Karei vajennapałonnych z KNDR
-
Vučyč pajšoŭ u adstaŭku z pasady prezidenta Sierbii. Kab stać premjeram
-
«Bačyli niejkich robataŭ». Pobač z bazaj VPS u Anhlii aryštavali piać čałaviek — ich padazrajuć u padrychtoŭcy teraktu
Ciapier čytajuć
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1111
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»11
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary