Ali Chamieniei papiaredziŭ ZŠA i zajaviŭ, što Iran nie admovicca ad uzbahačeńnia ŭranu
Miž ZŠA i Iranam narastaje napružanaść na fonie praciahłych, ale ŭsio mienš vynikovych pieramovaŭ pa iranskaj jadziernaj prahramie.
Viarchoŭny lidar Irana Ali Chamieniei rezka adreahavaŭ na patrabavańni ZŠA spynić uzbahačeńnie ŭranu, nazvaŭšy ich «vialikaj pamyłkaj», piša Bild.
«Im [amierykancam] varta pastaracca nie kazać hłupstvaŭ. Isłamskaja Respublika nie čakaje dazvołu ni ad koha», — dadaŭ jon.
Amierykanski śpiecpasłańnik Styŭ Uitkaf, pryznačany Donaldam Trampam, ahučyŭ u adkaz žorstkuju pazicyju Vašynhtona.
«My nie možam dapuścić navat adzin adsotak mahčymaściej pa ŭzbahačeńni», — skazaŭ jon.
Pavodle jaho słoŭ, ZŠA nastojvajuć na poŭnaj admovie ad jadziernaj prahramy jak umovie dla luboha pahadnieńnia.
Mižnarodnaje ahienctva pa atamnaj enierhii vykazvaje tryvohu: Iran — adzinaja kraina bieź jadziernaj zbroi, jakaja ŭzbahačaje ŭran da ŭzroŭniu 60%, što nabližajecca da ŭzroŭniu zbrojevaha (90%). Pavodle dadzienych ekśpiertaŭ, zapasy ŭzbahačanaha ŭranu ŭ Iranie ŭžo składajuć 275 kiłahramaŭ — tearetyčna hetaha dastatkova dla vytvorčaści niekalkich bajavych hałoŭ.
Na hetym fonie iranski bok adchiliŭ praciah pieramovaŭ u ciapierašnim farmacie. Adzin z udzielnikaŭ pieramovaŭ z boku Irana zajaviŭ, što «biez prava na ŭzbahačeńnie dla nas nie isnuje nijakaha pahadnieńnia».
Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie32
Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary
Jany durniami buduć, kali ad jaho admoviacca.
ukraincy vuń niekali admovilisia.
taksama šmat bałabolstva było, i ŭhody i harantyi.
Kali Meir Hołda pahražała zastasavać jad zbroju " jakoj nima ale kali spatrebicca " Jana samahubstvam žadała skončyć historyju Izraila..u Pakistanie Iranie našmat bolej zastaniecca