Piatruchin nie zdajecca: choča, kab KR zasłuchała 17-hadovaha «startapiera». Ale bieź jaho baćkoŭ hetaha rabić nielha
Inicyjatyvu «Narodnaha reparciora» nie padtrymaŭ badaj nivodzin ŭdzielnik Kaardynacyjnaj rady.
Błohier Siarhiej Piatruchin praciahvaje svaju vajnu z zasnavalnikam «Novaj Biełarusi» Paŭłam Libieram i pierakonvaje hramadstva, što chłuślivaja historyja 17-hadovaha startapiera Alaksieja Burbickaha moža być čystaj praŭdaj.
Čytajcie taksama:17-hadovy startapier zajaviŭ, što bazu karystalnikaŭ «Novaj Biełarusi» ŭzłamali. Libier adkazvaje: abvinavačvańnie absurdnaje
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam
Piatruchin, jaki i zapuściŭ fejk pra ŭzłom bazy «Novaj Biełarusi», prapanavaŭ zładzić adkrytyja słuchańni ŭ Kaardynacyjnaj radzie.
«Chłopiec nie chavaje svoj tvar i hatovy vystupić adkryta. Zastajecca na suviazi. Farmat nie važny. Davajcie chłopca pasłuchajem razam, zadaście pytańni», — napisaŭ jon u čacie KR.
Inšyja ŭdzielniki KR pasprabavali patłumačyć jamu, što ideja durnaja.
«Vy ŭvohule nie čujecie i nie bačycie, što ŭsio, što kaža hety chłopiec, chłuśnia? Vami karystajucca, Siarhiej, i vy radasna biažycie davać płatformu ŭsim, chto skaža vam, jakija biełaruskija arhanizacyi kiepskija. I ci to vy nie razumiejecie hetaha, ci to ŭ kaapieracyi», — vykazałasia vice-śpikierka Stasia Hlińnik.
Błohier Alaksandr Kabanaŭ, kolišni kaleha Piatruchina pa «Narodnym reparciory», byŭ bolš rezki.
«Kaliści daŭno, u minułym žyćci, my abrali deviz kanała: «Praŭdu kazać lohka i pryjemna». Zrabi lohka i pryjemna, raskažy z kim ty pracuješ, chto pierakanaŭ ciabie vydalić mianie z kanała, viedajučy, što ja nie dazvolu hetuju čuchniu tam raźmiaščać. Raskažy ŭsiu praŭdu. Bo ŭsio tajemnaje rana ci pozna stanovicca vidavočnym) Virusu i Bulbie pryvitańnie)», — napisaŭ Kabanaŭ, zhadaŭšy idejnych siabroŭ Piatruchina — błohiera-kanśpirołaha Vitala Kandracienku i Siarhieja Bulbu, haspadara varšaŭskaha Biełaruskaha moładzievaha chaba.
Lizavieta Prakopčyk z «Moładzievaha nastupu» taksama nie vykazała entuziazmu: «Ja nie razumieju, navošta nam słuchać čałavieka, jaki chłusić pa ŭsich abjektyŭnych pakazčykach. Z tych faktaŭ, što ja ŭžo maju, mahu skazać, što ŭ lepšym vypadku jon prosta chvory, u horšym — kadebešnik ci machlar».
«Słuchajcie, nie sustrakajciesia vy ź dziciom i nie hladzicie jaho telefon. Heta ŭsio vielmi niezakonna z punktu hledžańnia Jeŭrasajuza», — padkazaŭ Andrej Kurejčyk, nahadaŭšy, što Alaksieju Burbickamu pakul 17 hadoŭ. Adnak Piatruchin praciahnuŭ ihnaravać ankietnyja źviestki chłopca i davodziŭ, što jamu ŭžo 18 hadoŭ. «Biez prysutnaści baćkoŭ jaho słuchać nielha», — padsumavaŭ lidar AHP Uładzimir Šancaŭ.
Chto taki Michaił Miachovič — siłavik, jaki viadzie kanał HUBAZiKa i adkazvaje za prabiŭ ludziej20
Kamientary