Prajekt akvaparku ŭ Viciebsku vystavili na hramadskaje abmierkavańnie
Pavodle prajektnych dakumientaŭ, heta budzie nie ŭłasna akvapark, a šmatfunkcyjanalny centr z akvaparkam. Aprača jaho, centr praduhledžvaje najaŭnaść hatela, kavorkinh-prastory i fitnes-centra, piša «Viciebskaja viasna».
Prajekt raspracavany viciebskim pradpryjemstvam «Kvant-Projekt», zamoŭca — TAA «FS hrup». Budaŭnictva źbirajucca pravodzić za košt inviestycyj: inviestar vykupiŭ niekalki karpusoŭ u AAT «Viciaź» — byłoha pradpryjemstva pa vypusku kalarovych televizaraŭ. Pieraprafilavać vytvorčaść tak i nie zmahli, častka karpusoŭ daŭno nie vykarystoŭvałasia.
«Papiarednija terminy realizacyi prajekta pry efiektyŭnaj pracy i nieabchodnym finansavańni — kala dvuch hadoŭ», — abiacaŭ u pačatku hetaha hoda staršynia Viciebskaha harvykankama Alaksiej Hierojeŭ.
Uvohule ž historyja z budaŭnictvam akvaparku ŭ Viciebsku, dakładniej, historyja abiacańniaŭ hetaha, ciahniecca z 2014 hoda.
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary