SBU naniesła ŭdar pa rasijskich radarach i składach na hazazdabyŭnych płatformach u Čornym mory
Ukrainskija śpiecsłužby praciahvajuć aktyŭnyja dziejańni ŭ Čornym mory, źniščajučy rasijskuju techniku. Apošniaja apieracyja SBU pryviała da źniščeńnia radyjołakacyjnaj stancyi «Niava» na ŭkrainskaj hazavaj płatformie, paviedamlaje SBU.
Słužba biaśpieki Ukrainy praciahvaje raspracoŭvać śpiecapieracyi dla vyzvaleńnia akvatoryi Čornaha mora ad rasijskich vajskoŭcaŭ i ich techniki. Dniami 13-je Hałoŭnaje ŭpraŭleńnie Departamienta vajskovaj kontrraźviedki SBU praviało apieracyju z vykarystańniem pavietranych i marskich dronaŭ.
Metaj byŭ udar pa rasijskim radyjołakacyjnym abstalavańni, što raźmiaščałasia na hazavych płatformach ukrainskaha ŭźbiarežža. Spačatku pavietrany dron udaryŭ pa adnoj z vyšak, paśla čaho pa joj adpracavaŭ marski dron.
U vyniku apieracyi była źniščana RŁS «Niava», jakuju rasijskija siły vykarystoŭvali dla manitorynhu pavietranaj i marskoj abstanoŭki. Akramia taho, paškodžany składskija pamiaškańni i žyły błok na vyšcy.
SBU padkreśliła, što vykarystańnie dvuch typaŭ dronaŭ dakazała efiektyŭnaść ich sumiesnaha prymianieńnia.
«My jašče raz nahadali vorahu, što nijakamu rasijskamu mietałałomu niama miesca ŭ Čornym mory,» — adznačyli ŭ SBU.
Heta nie pieršy ŭdar ukrainskich sił z dapamohaj dronaŭ. Raniej marskija drony ŭžo parazili Krymski most i 11 rasijskich vajskovych karabloŭ, što dazvoliła źmienšyć daminavańnie Rasii ŭ Čornym mory i adnavić zbožžavy kalidor.
Ukraina aktyŭna vykarystoŭvaje sučasnyja technałohii dla adnaŭleńnia kantrolu nad svaimi terytoryjami i marskimi šlachami.
Kamientary