Ejsmant pra pieramovy ŭ Stambule: My nie naprošvalisia na rolu pasiarednika, ale kali nieabchodna — arhanizujem
Pres-sakratarka Łukašenki ŭ intervju TASS prakamientavała vyniki pieramovaŭ Ukrainy i Rasii, što adbylisia ŭčora ŭ Stambule.
«Pa-pieršaje. Inšych vynikaŭ my i nie čakali. Pieramovy — ich pieršy raŭnd — na ščaście, adbylisia i mieli choć niejki vynik. Pa-druhoje. Uvohule ŭ acency vynikaŭ hetaha raŭndu my zhodnyja z amierykancami — heta, biezumoŭna, pakul taktyčny, ale — pośpiech kiraŭnictva Rasii», — skazała Natalla Ejsmant.
Taksama jana adkazała na pytańnie, ci hatovaja Biełaruś arhanizavać u siabie novy raŭnd pieramovaŭ, kali RF i Ukraina ab im damoviacca?
«Što tyčycca mahčymaj arhanizacyi nastupnych raŭndaŭ pieramovaŭ. Chaču padkreślić hałoŭnaje: Biełaruś nikoli nie naprošvałasia na rolu pasiarednika — ni raniej, ni ciapier. Heta naša pryncypovaja pazicyja. Ale kali dziela miru ŭ našych susiedziaŭ, u našaj brackaj Ukrainie heta budzie nieabchodna i z hetym buduć zhodnyja ŭsie baki, — my arhanizujem praces tak, jak nie arhanizuje nivodnaja inšaja kraina. Pierš za ŭsio tamu, što heta naŭprost tyčycca i budučyni Biełarusi», — skazała pres-sakratarka Łukašenki.
Stali viadomyja ŭsie ŭltymatyŭnyja patrabavańni Rasii na pieramovach u Stambule
Piaskoŭ: Custreča Pucina i Zialenskaha mahčymaja
«Budziem vajavać, kolki treba. My vajavali sa Šviecyjaj 21 hod». Miadzinski na pieramovach pahražaŭ zachapić Sumy i Charkaŭ
Pieramovy ŭ Stambule zaviaršylisia. Maskva patrabuje zdačy Ukrainaj čatyroch abłaściej
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami26
Kamientary