U ZŠA rychtujucca da pieramoŭ ab skaračeńni amierykanskaha kantynhientu ŭ Jeŭropie
Złučanyja Štaty mohuć pačać pieramovy ź jeŭrapiejskimi sajuźnikami ab skaračeńni amierykanskaha vajskovaha kantynhientu ŭ Jeŭropie ŭ kancy hetaha hoda. Pra heta 16 maja zajaviŭ pasoł ZŠA pry NATA Mećju Uitakier, paviedamlaje «Jeŭrapiejskaja praŭda».
Adkazvajučy na pytańnie, ci razhladaje administracyja prezidenta ZŠA Donalda Trampa mahčymaść vyvadu vojskaŭ ź Jeŭropy, Uitakier skazaŭ, što «ničoha nie vyrašana».
«Ale jak tolki my prymiem pastanovu, my pačniom hetyja pieramovy ŭ ramkach NATA. Heta budzie, biezumoŭna, paśla samitu [u Haazie], dzieści ŭ kancy hoda, my pačniem hetyja pieramovy… Usie našy sajuźniki hatovyja da hetaha», — dadaŭ jon.
Uitakier skazaŭ, što ZŠA abmiarkujuć z sajuźnikami lubyja źmieny ŭ kolkaści vojskaŭ, kab paźbiehnuć prabiełaŭ u biaśpiecy.
«Heta bolš čym 30-hadovaje žadańnie ZŠA [skaracić vojski ŭ Jeŭropie], prezident Tramp prosta skazaŭ: dastatkova, heta budzie zroblena, i heta budzie zroblena ciapier, heta budzie zroblena ŭparadkavana, ale my nie budziem bolš tryvać pramarudžvańnie ŭ hetaj situacyi… Nam prosta treba prapracavać praktyčnyja nastupstvy», — adznačyŭ pasoł.
Pry hetym jon zapeŭniŭ, što «Złučanyja Štaty zastanucca ŭ hetym aljansie, i my budziem vialikim siabram i vialikim sajuźnikam».
Amierykanskija vajskoŭcy majuć na kantyniencie bolš za 100 tysiač vajskoŭcaŭ, ale kiraŭnik Pientahona Pit Chiehsiet raniej kazaŭ jeŭrapiejskim kaleham, što jany nie pavinny ličyć, što prysutnaść Złučanych Štataŭ budzie doŭžycca viečna.
U krasaviku ŚMI paviedamlali, što ŭ Ministerstvie abarony ZŠA razhladajuć prapanovu vyvieści ź Jeŭropy da 10 tysiač vajskoŭcaŭ.
Hiermanija pavialičyć vydatki na abaronu bolš, čym udvaja
Kiełah: ZŠA razhladajuć mahčymaść raźmiaščeńnia zamiežnych vojskaŭ va Ukrainie
ZŠA ŭchvalili pieradaču Ukrainie rakiet dla HIMARS i Patriot
Starmier i Makron adchilajuć patrabavańnie Pucina spynić vajskovuju dapamohu Ukrainie dla 30-dzionnaha spynieńnia ahniu
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary