Pavodle danych Rasstata, u pieršym kvartale rost VUP u Rasii skłaŭ tolki 1,4% u paraŭnańni z tym ža pieryjadam letaś — heta ŭ try razy mienš, čym u apošnim kvartale 2024 hoda, i amal u čatyry razy mienš, čym u pieršym kvartale minułaha hoda, piša The Moscow Times.
Hetyja ličby akazalisia horšymi, čym čakali rasijskaje Ministerstva ekanamičnaha raźvićcia i niezaležnyja analityki. U paraŭnańni z papiarednim kvartałam ekanomika navat skaraciłasia na 0,4% — upieršyniu z 2022 hoda.
Zapavoleńnie nazirajecca va ŭsich śfierach: pramysłovaść zamiest rostu na 5,7% pakazała ŭsiaho 1,1%, roźničny handal taksama zamarudziŭsia, a aptovy handal pačaŭ skaračacca. Pavodle danych za krasavik, situacyja praciahvaje paharšacca — vytvorčaść skaračajecca, transpartny hruzapatok pa rasijskich čyhunkach upaŭ amal na 10%.
Jość vierahodnaść, što ŭ druhim kvartale Rasija aficyjna ŭvojdzie ŭ techničnuju recesiju (dvojčy zapar admoŭny rost VUP).
Urad praciahvaje spadziavacca na rost VUP na 2,5% za hod, ale realnaść moža być značna bolš ścipłaj — kala 1%, jak miarkujuć ekśpierty.
Siarod pryčyn zapavoleńnia: strohaja hrašovaja palityka CB, sankcyi, prablemy ź impartam, vysokaja inflacyja i nizkija ceny na naftu. Naprykład, u krasaviku rasijskaja nafta Urals kaštavała tolki $54 za barel zamiest zapłanavanych $70, a ŭ siaredzinie maja — užo $50.
U vyniku biudžet niedaatrymaŭ značnuju častku naftahazavych dachodaŭ — jany ŭpali na 10%, a deficyt biudžetu za studzień—krasavik vyras amal utraja. Urad navat pačaŭ razhladać mahčymaść skaračeńnia vydatkaŭ na 2026 hod.
Pry hetym, jak ni paradaksalna, navat mirnaje pahadnieńnie z Ukrainaj moža nanieści novy ŭdar pa ekanomicy. Bo kala 40% minułahodniaha rostu zabiaśpiečyli dziaržaŭnyja vydatki na vajnu i vypłaty kantraktnikam. Kali vajskovyja vydatki skarociać, heta pryviadzie da rostu biespracoŭja i niezadavolenaści ŭ rehijonach.
Ekśpierty miarkujuć, što navat u vypadku miru Pucinu daviadziecca jašče niekatory čas padtrymlivać vysoki ŭzrovień vydatkaŭ na abaronu, kab paźbiehnuć ekanamičnaha kryzisu.
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny38
Kamientary
Sama, nikohda i ničieho nie hienierirovała.