«Ja nie chaču adpuskać žyćcio». U piśmieńnicy Śviatłany Kurs rak na poźniaj stadyi
53-hadovaja piśmieńnica Śviatłana Kurs, aŭtarka viadomaha ramana «Pa što idzieš, voŭča?» paviedamiła pra svajo hora. Niadaŭna joj pastavili ciažki dyjahnaz: rak jaječnika ź mietastazami ŭ brušynu i limfatyčnyja vuzły. Ale apuskać ruki nie źbirajecca, budzie lačycca i prosić biełarusaŭ pra dapamohu.
«Heta toj samy «cichi zabojca», jaki doŭha chavajecca i prajaŭlaje siabie ŭžo na poźniaj stadyi.
Užo niekalki tydniaŭ ja adčuvała, što z maim ciełam niešta nie tak: ciažar u žyvacie, ściskańnie mačavoha puzyra, stomlenaść. Ja lačyłasia ad zapaleńnia — ale heta byŭ ankałahičny ascyt.
Usie astatnija orhany ŭ mianie zdarovyja — nyrki, piečań, serca, lohkija — i mienavita tamu ŭ daktaroŭ jość nadzieja: šaniec na lekavańnie, na praciah žyćcia.
A ja tak nie chaču jaho adpuskać…
Ciapier mnie vielmi patrebnaja vaša padtrymka. U maim stanoviščy prasić — nia soramna, tamu što mnie adnoj nie spravicca. Pierada mnoj — ciažki šlach lačeńnia, analizaŭ, pracedur. Heta patrabuje srodkaŭ, jakich u mianie niama.
Kali łaska, kali majecie mahčymaść, padtrymajcie mianie. Hrašami, tałakoju, słovam.
Dziakuj, što vy pobač. U pryhodzie i ŭ karahodzie», — napisała Śviatłana Kurs.
«Asnoŭnaje lačeńnie — biaspłatnaje, — tłumačyć Śviatłana. — Dziakujučy polskaj miedycynskaj sistemie, ja prachodžu chimijaterapiju, padrychtoŭku da apieracyi, samu apieracyju i nastupnaje lačeńnie biaspłatna, u Nacyjanalnym ankałahičnym centry. Ale navokał hetaha — žyćcio, u jakim taksama treba vyžyvać. Tamu ja źviartajusia z prośbaj dapamahčy mnie sabrać srodki».
Suma zboru — €10.000
€4200 — bytavyja vydatki (žyćcio padčas lačeńnia) na 6 miesiacaŭ (€700 na miesiac);
€3000 — infrastruktura vakoł lačeńnia:
— apłata darohi da miedycynskich centraŭ (u tym liku — u inšyja harady),
— arenda transpartu abo taksi, kali fizična ciažka jechać hramadskim transpartam,
— čakańni i načleh paśla pracedur (kali treba być pobač z klinikaj),
— kupla bazavych miedycynskich srodkaŭ, jakija nie vydajucca pa strachoŭcy (ukoły, apracoŭki, aparaty dla padtrymki arhanizma);
€600 — padtrymka miedykamientami i śpiecyjalnaje charčavańnie;
€2200 — niepradbačanyja vydatki:
— dadatkovyja analizy, jakija nie pakryvajucca,
— źmieny ŭ lačebnych schiemach abo reakcyi arhanizma,
— mahčymaść apłaty časovaj dapamohi (sacyjalny rabotnik, časovaja apiakunka i h.d.)
Padtrymać Śviatłanu Kurs, daŭšy joj šaniec na žyćcio, možna pa spasyłcy.
A nakolki śvietły i mudry čałaviek Śviatłana Kurs, možna pierakanacca, pahladzieŭšy jaje intervju ŭ našaj prahramie «Tok».
«U Łukašenki byli dobryja nastaŭniki». Śviatłana Kurs praviała pa «Tuneli śmierci» Katynskaha muzieju
U Dzień rodnaj movy papularnaja piśmieńnica sabrała svaje ŭlubionyja prymaŭki, i tut palacieła
Znakamitaja biełaruskaja piśmieńnica raskazała, jak pierastała być fieministkaj
«Pakolki Rasijskaja impieryja jość pustka, zalitaja haŭnom, to my možam tolki z hetaj pustki vyryvacca»
Śviatłana Kurs: Rasija — heta samaje vialikaje rasčaravańnie suśvietu
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?4
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2828
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama28
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary