KDB aryštavaŭ minskuju kvateru fotažurnalista Hienadzia Vieracinskaha
Supracoŭniki KDB apiačatali dźviery minskaj kvatery fotažurnalista Hienadzia Vieracinskaha. Pra heta Vieracinski, jaki znachodzicca ŭ vymušanaj emihracyi, paviedamiŭ «Pozirku».
Na piačatcy možna pračytać: «Apiačatana. Nakładzieny aryšt. Uvachod zabaronieny». Papiera padpisanaja supracoŭnikam KDB Śmirnovym N.E.
«Kali apiačatana tymi, chto nadrukavaŭ, to ŭ mianie kryminalnaja sprava i ŭsio astatniaje. Ja jaŭna nie prosta śviedka. Mnie pry hetym ničoha nie paviedamlali», — adznačyŭ Vieracinski.
Pavodle jaho słoŭ, nie było papiaredžańniaŭ i ŭ paštovaj skryni.
«Kali źjazdžaŭ u 2023 hodzie ź Biełarusi, mnie prychodzili pozvy, pastajanna telefanavali. Tady ja byŭ u špitali, u reanimacyi. Kali ich nabrali pa tym numary, pierapytali, to daviedalisia, što heta byŭ Śledčy kamitet», — pryhadaŭ žurnalist.
Vieracinski adznačyŭ, što siabry tady rasceńvali situacyju jak vielmi niebiaśpiečnuju i raili źjechać. «Paśla hetaha nijakich spravaŭ ź siłavikami ja nie mieŭ», — dadaŭ jon.
67-hadovy Hienadź Vieracinski — invalid druhoj hrupy, nie maje nyrki. Bankaŭskaja karta, na jakuju prychodziła piensija, była zabłakavanaja ŭ 2024 hodzie. U listapadzie Biełaruskaja asacyjacyja žurnalistaŭ abviaščała zbor na jaho padtrymku.
Ciapier čytajuć
«Ja nie chaču adpuskać žyćcio». U piśmieńnicy Śviatłany Kurs rak na poźniaj stadyi5
Kamientary
Heta praściej za roznyja chitryja schiemy prodažu ludziej.