Štohadovy kinafiestyval u Kanach sioleta projdzie z 13 pa 24 maja.
Kadr ź filma «2000 mietraŭ da Andrejeŭki»
Adkryćcio 78-ha siezonu viadomaha kinafiestyvalu zapłanavana na 13 maja. U hety ž dzień arhanizatary pakažuć try filmy, pryśviečanyja vajnie va Ukrainie.
«Hety «Dzień Ukrainy» źjaŭlajecca napaminam ab imknieńni mastakoŭ, aŭtaraŭ i žurnalistaŭ raspavieści historyju kanfliktu ŭ sercy Jeŭropy, jaki voś užo try hady ŭpłyvaje na ŭkrainski narod i ŭvieś śviet», — skazana na aficyjnym sajcie mierapryjemstva.
Kanski kinafiestyval pačniecca ź filma Mścisłava Čarnova «2000 mietraŭ da Andrejeŭki», francuzskaj stužki ab Uładzimiry Zialenskim i francuzska-ukrainskaha kino pra žyćcio mirnaha nasielnictva pad rasijskimi abstrełami.
Kamientary