«Piatruchin, prośba nie zajmacca łuchtoj». Kabanaŭ pasvaryŭsia z byłym siabram padčas debataŭ u KR
Siońnia adbylisia anłajn-debaty kandydataŭ u śpikiery Kaardynacyjnaj Rady. Nie ŭsio prajšło hładka.
Pasiadžeńnie Kaardynacyjnaj rady adbyvałasia ŭ žyvym efiry. Kožnaja z frakcyj mahła zadać da troch pytańniaŭ da kožnaha z kandydataŭ na pasadu.
Pakolki ŭsie ŭdzielniki prysutničali anłajn, to słova pradstaŭlałasia tamu, chto padniaŭ ruku. Maderatarka, vice-śpikierka Stasia Hlińnik spačatku zaŭvažyła, što takich achvotnych jana nie bačyć.
«U mianie jość ruka. Błok «Vola». Siarhiej Piatruchin», — padchapiŭsia błohier.
Maderatarka zaŭvažyła, što bačyć dźvie ruki ad błoku «Vola», kudy ŭvachodziać piać čałaviek, u tym liku i Siarhiej Piatruchin, i Alaksandr Kabanaŭ. Jana spytała:
«Chto z vas budzie śpikieram ad frakcyi?»
«Ja» — koratka zajaviŭ Piatruchin.
«Śpikieram ad frakcyi abrany ja. Piatruchin, prośba nie zajmacca łuchtoj», — tut ža absiok byłoha siabra i kalehu pa «Narodnym reparciory» Alaksandr Kabanaŭ.
«Alaksandr, dajcie mnie skazać. U mianie padrychtavanyja pytańni… Nie takija, jak pra damafon, ci pra hety…, što vy tam rabili?», — pasprabavaŭ asprečyć Piatruchin.
Tut u razmovu daviałosia ŭmiašacca Stasi Hlińnik:
«Ja dumaju, što hetyja pytańni treba vyrašać unutry frakcyi».
«Unutry frakcyi my hetaje pytańnie vyrašyli», — zaŭvažyŭ Kabanaŭ.
«Nu ja ž pieršy ruku padniaŭ», — pasprabavaŭ dabicca svajho Piatruchin.
U vyniku słova było pradstaŭlena Alaksandru Kabanavu jak kiraŭniku frakcyi. Piatruchinu daviałosia čakać. Mahčyma, jamu dazvolać vykazacca paźniej.
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary