U Varšavie pamierła mastačka Nina Marhajeva, pra heta napisali jaje siabry. U žančyny była ciažkaja chvaroba.
Niejki čas tamu Nina trapiła ŭ ciažkuju situacyju, źviazanuju ź niečakanaj chvarobaj. u 2022 hodzie jana z 12-hadovym synam Mironam była vymušanaja vyjechać ź Biełarusi ŭ Polšču, dzie atrymała status dadatkovaj abarony.
U studzieni 2023 hoda ŭ Varšavie ŭ Niny dyjahnastavali bakavy amijatrafičny skleroz (BAS). Na dadzieny momant hetaja chvaroba źjaŭlajecca nievylečnaj.
«Ja zdymaju kvateru, utrymlivaju syna i pakryvaju ŭsie vydatki na lačeńnie. U ciapierašni čas moj fizičny stan značna pahoršyŭsia (nie mahu ruchacca biez padtrymki, ruki amal nie dziejničajuć, chudnieju), i mnie patrebna dapamoha apiekuna, jakomu taksama treba płacić», — pisała Nina ŭ abviestcy na staroncy Fundacyi «Kawałek Nieba». Na dapamohu byŭ abvieščany zbor hrošaj.
Nina Marhajeva naradziłasia ŭ 1984 hodzie. U 2007-m skončyła Biełaruski dziaržaŭny ŭniviersitet kultury pa śpiecyjalnaści «narodnyja ramiostvy» (śpiecyjalizacyja — kieramika).
Jašče padletkam, Nina pačała aktyŭna ŭdzielničać u mastackich vystavach i plenerach.
U Minsku Nina zasnavała dziciačuju mastackuju studyju PLOT. Potym arandavała majsterniu i ciaham 7 hadoŭ pracavała ź dziećmi i darosłymi.
Paśla prezidenckich vybaraŭ 2020 hoda Nina Marhajeva padpisała «Adkryty list dziejačaŭ kultury i mastactva suprać hvałtu i falsifikacyi vybaraŭ».
Na mastačku pačaŭsia cisk, i ŭ červieni 2022 hoda Nina była vymušanaja źjechać ź Biełarusi z synam Mironam. U Varšavie zapuściła novy prajekt «Glieba».
U Niny zastaŭsia 13-hadovy syn.
Ciapier čytajuć
Na tolki što adkrytaj polskaj miažy ŭžo ŭtvaryłasia čarha z troch tysiač aŭtamabilaŭ1
Kamientary
Treba dapamahčy.