U Minskim harvykankamie abmierkavali, jak palepšyć biaśpieku i kamfort ruchu na Minskaj kalcavoj aŭtadarozie. Hetaje pytańnie stała hałoŭnaj temaj pasiadžeńnia kamisii pa biaśpiecy darožnaha ruchu, piša BiełTA.
Namieśnik načalnika ŭpraŭleńnia DAI HUUS Minharvykankama Dzianis Livanovič adznačyŭ, što prablemu pierahruzki MKAD treba vyrašać kompleksna. Pavodle jaho słoŭ, treba ŭličvać nie tolki techničnyja paramietry kalcavoj darohi i jaje zahružanaść, ale i prapanoŭvać haradžanam alternatyŭnyja maršruty, kab nie prychodziłasia vyjazdžać na MKAD biez patreby.
Jon padkreśliŭ, što niekatoryja rajony Minska — naprykład, učastki pamiž Zavodskim i Leninskim, Leninskim i Kastryčnickim, a taksama pamiž Frunzienskim i Centralnym — amal nie majuć transpartnaha złučeńnia, akramia jak tolki praz MKAD. U vyniku ludzi vymušanyja karystacca kalcavoj navat dla karotkich pieramiaščeńniaŭ unutry horada. A MKAD — adzin z samych avaryjnych učastkaŭ: bolšaja častka DTZ z paciarpiełymi adbyvajecca mienavita tam.
Taksama abmierkavali piłotny prajekt, jaki nakiravany na źmianšeńnie nahruzki na ŭnutranaje kalco MKAD i pavieličeńnie jaho prapusknoj zdolnaści. Prajekt jašče na stadyi raspracoŭki, ale ŭžo vyklikaje šyrokaje abmierkavańnie. Jaho meta — palepšyć transpartnuju infrastrukturu Minska i stvaryć asnovu dla sistemnych rašeńniaŭ, jakija zmohuć źnizić nahruzku na kalcavuju darohu i pavysić biaśpieku.
Ciapier čytajuć
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni4
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2323
Kamientary