Kapucyn z parku dzikaj pryrody staŭ novaj zorkaj kitajskich sacsietak
Jaho zavuć Dačužan, što aznačaje «vialiki» abo «mocny». Pry hetym jon saramlivy i piaščotny kapucyn.
Samiec čornahałovaha kapucyna žyvie ŭ zaaparku Chežej užo 10 hadoŭ, ale papularnaść zdabyŭ tolki paśla taho, jak videa ź im źjaviłasia na Douyin (kitajski anałah TikTok). Karystalniki prazvali jaho «małpaj z kvadratnym čałaviečym tvaram».
Choć niekatoryja karystalniki internetu nazyvajuć Dačužana «brydka-miłym», śpiecyjalistka pa raźviadzieńni kapucynaŭ Čžan Čuńsiue raspaviała China Daily, što siarod hetych prymataŭ kvadratny tvar i mocny ciełaskład ličacca standartam pryhažości.
Pry hetym, pavodle jaje słoŭ, Dačužan — saramlivy i piaščotny kapucyn.
«Jon załazić na vysokuju žerdku i chavajecca, kali da jaho nabližajucca nieznajomyja ludzi», — patłumačyła Čžan Čuńsiue.
Kamientary