Pry pakul nieviadomych abstavinach pasadu straciŭ Andrej Šydłoŭski, viadomy svajoj rolaj u ideałahičnych čystkach na fakultecie.
Na sajcie jurfaka BDU 9 śniežnia źjaviłasia navina ab vynikach pravavoha turniru dla školnikaŭ «Siła zakona».
U pieraliku siabroŭ žury i hanarovych haściej jość imia Andreja Šydłoŭskaha.
Jon mieŭsia b być padpisany dekanam jurydyčnaha fakulteta BDU, ale nie — Šydłoŭski pradstaŭleny prosta jak «namieśnik staršyni hramadskaha abjadnańnia «Biełaruski respublikanski sajuz jurystaŭ», kandydat jurydyčnych navuk, dacent».
Sa staronki dekanata proźvišča Šydłoŭskaha taksama źnikła. Ciapier, kali vieryć sajtu jurfaka, pasada vakantnaja. Jašče ŭ listapadzie Šydłoŭski byŭ dekanam.
Pryčyny pieravodu Šydłoŭskaha ŭ zvyčajnyja vykładčyki pakul nieviadomyja.
Šydłoŭski ŭznačaliŭ jurfak BDU u 2021 hodzie i zapomniŭsia studentam i vykładčykam jak čałaviek, jaki atačyŭ siabie stukačami i byŭ pastaŭleny z metaj vyčyścić valnadumstva ŭ kuźnicy kadraŭ dla siłavych viedamstvaŭ.
***
Andrej Šydłoŭski ŭ 1998 hodzie z adznakaj skončyŭ jurydyčny fakultet BDU, u 2002‑m abaraniŭ dysiertacyju na temu «Instytut pryznačeńnia pakarańnia ŭ kryminalnym pravie Respubliki Biełaruś: sistemna-funkcyjanalny analiz».
Doŭhi čas Šydłoŭski byŭ namieśnikam dekana jurfaka BDU pa vučebna-vychavaŭčaj častcy (z 2006‑ha pa 2020-y). Paśla hod zajmaŭ pasadu pieršaha namieśnika dyrektara Instytuta pierapadrychtoŭki i pavyšeńnia kvalifikacyi sudździaŭ, rabotnikaŭ prakuratury, sudoŭ i ŭstanoŭ justycyi BDU. A ŭ vieraśni 2021‑ha viarnuŭsia na jurfak, užo dekanam. Jon źmianiŭ Taćcianu Michalovu, jakaja choć i ŭdzielničała ŭ represijach suprać studentaŭ, ale nie ščyravała ŭ hetym.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary