Vyjšli na svabodu niekalki inšaziemcaŭ i biełarusaŭ z zamiežnymi pašpartami
Siarod vyzvalenych 13 śniežnia ź biełaruskich kałonij palitviaźniaŭ jość prynamsi niekalki asob, jakija źjaŭlajucca hramadzianami inšych krain.
Na svabodzie hramadzianka Litvy biełaruskaha pachodžańnia Maryja Bataljonak. Joj prysudzili 4 hady za datyčnaść da prajekta «Haradski aharod Marys Mar».
Taksama siarod vyzvalenych Raman Hałuza. Heta hramadzianin Polščy, asudžany za «zdradu dziaržavie».
Vyzvaleny i Alaksandr Syryca, baskietbolny sudździa i hramadzianin Aŭstralii biełaruskaha pachodžańnia.
Na svabodzie i hramadzianka Łatvii Ała Sakalenka. Joj prysudzili 7 hadoŭ za «ahienturnuju dziejnaść».
Vyzvaleny hramadzin Japonii Nakanisi Masatosi — błohier, jakoha biełaruskija ŭłady abvinavacili ŭ špijanažy. Jon pracavaŭ vykładčykam u HDU imia Skaryny.
Na svabodzie taksama hramadzianka ZŠA Natali Bielskaja.
Adpuścili Illu Kniazieva. Heta 44‑hadovy minčuk, jakoha asudzili za ŭdzieł u pratestach. Jon hramadzianin Biełarusi i Vialikabrytanii.
Siarod palitviaźniaŭ, vyzvalenych 13 śniežnia, jość i proźvišča Viačasłava Papšo, viadomaha pad błohierskaj mianuškaj «Žyvie». Papšo — hramadzianin Litvy, ale cikaviŭsia biełaruskim paradkam dnia.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam6
Kamientary