U Italii złačynca sprabavaŭ schavacca, vydajučy siabie za pastucha ŭ dekaracyjach kaladnaj batlejki
U italjanskim horadzie Hałatonie, u Apulii, palicyja zatrymała złačyncu, što byŭ u vyšuku i abraŭ u jakaści schovišča kaladnuju batlejku na centralnaj płoščy.
38‑hadovy mužčyna, jaki znachodziŭsia ŭ vyšuku za supraciŭ palicyi i naniasieńnie ciažkich cialesnych paškodžańniaŭ, prosta staŭ pamiž fihurami Maryi i Iosifa i vyrašyŭ nie ruchacca, piša Bild.
Na niezvyčajnaha piersanaža ŭ scenie Kaladaŭ źviarnuŭ uvahu mer Hałatonie Fłavia Fiłoni. Spačatku jon pryniaŭ mužčynu za novuju rostavuju fihuru i navat sfatahrafavaŭ jaho.
«Ja prachodziŭ mima jaślaŭ i zaŭvažyŭ, što pobač z Maryjaj, Iosifam, niemaŭlom Isusam i pastuchom staić jašče adzin pastuch, jakoha raniej tam nie było», — raskazaŭ jon.
Situacyja prajaśniłasia, kali pastuch niečakana zavarušyŭsia. Pavodle Fiłoni, jon spytaŭ, ci ŭsio ŭ paradku, a toj adkazaŭ, što choča pieranačavać prosta ŭ jaślach. Paśla hetaha mer vyklikaŭ palicyju.
Pravierka dakumientaŭ pakazała, što mužčyna — uradženiec Hany — užo niekalki tydniaŭ znachodzicca ŭ vyšuku paśla ŭciokaŭ z Bałońji. U vyniku haniec apynuŭsia ŭ turmie horada Leče. U Bałońji jaho pryhavaryli da dzieviaci miesiacaŭ pazbaŭleńnia voli.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ4
Kamientary