U krainie adznačajecca siezonnaje pavieličeńnie kolkaści zachvorvańniaŭ na vostryja reśpiratornyja infiekcyi i hryp, paviedamlaje Minzdaroŭja.
Razam z tym uzrovień zachvorvańniaŭ znachodzicca ŭ miežach siarednich šmathadovych pakazčykaŭ.
Zaraz cyrkulujuć virusyŭ hrypu A — pieravažna hrypu A(H3N2) (hety štam jašče nazyvajuć hankonhskim) i A(H1N1 — tak zvany pandemičny štam 2009 hoda). Taksama cyrkulajuć niehrypoznyja reśpiratornyja virusy (adenavirusy, rynavirusy, RS-virusy, bokaparvirusy, mietapnieŭmavirusy, siezonnyja karonavirusy, virus SARS-CoV-2)
Asnoŭny kantynhient chvorych na hryp — nie vakcyjanavanyja.
Asnoŭnaja častka chvorych — ambułatornyja pacyjenty. Pavieličeńnia kolkaści špitalizavanych pa pryčynie hrypu nie adznačajecca.
U Minzdaroŭja zaznačajuć, što virusy hrypu zachoŭvajuć adčuvalnaść da supraćhrypoznych lekavych preparataŭ, najaŭnych u arhanizacyjach achovy zdaroŭja i aptečnaj sietcy, a taksama raspaznajucca ŭsimi isnujučymi test-sistemami łabaratornaj dyjahnostyki.
Vakcyny dla prafiłaktyki hrypu, jakija vykarystoŭvajucca ŭ krainie, utrymlivajuć aktualny štamavy skład i dastatkovuju kolkaść antyhienaŭ dla źnižeńnia ryzyki zaražeńnia hrypam, praduchileńnia raźvićcia ciažkaha ciačeńnia i niespryjalnaha vyniku zachvorvańnia.
Ciapier čytajuć
Trend siarod biełaruskich zumieraŭ i milenijałaŭ: usio bolš moładzi viartajecca žyć da baćkoŭ3
Kamientary
I pracavać treba fizična, a nie za łaptopami vašymi siadzieć u internetach z trafikami.