U Barysavie aryštavali Siarhieja Sałaša i Źmitra Babickaha
Na minułym tydni KDB pryznaŭ «ekstremisckim farmavańniem» miascovuju inicyjatyvu «Skład butelek».
49‑hadovy Siarhiej Sałaš — viadomy hramadski dziejač, miascovy lidar.
Pra jaho zatrymańnie paviedamiŭ žurnalist karaniami z Barysaŭščyny Źmicier Pankaviec.
«12 listapada ŭ Barysavie supracoŭnikami KDB byŭ aryštavany moj dobry siabra Siarhiej Sałaš. Bolšaj infarmacyi pakul davać nie mahu», — napisaŭ u fejsbuku Źmicier Pankaviec.
«Šmat chto z vas taksama dobra viedaje Sieržuka. Rodnyja Sałaša zaraz znachodziacca dastatkova ŭ ciažkim stanoviščy. Kali vy chočacie im dapamahčy, to, kali łaska, napišycie mnie, i ja raskažu vam, jak heta možna zrabić», — dadaŭ žurnalist.
Pa infarmacyi «Našaj Nivy», aryštavanyja taksama 46‑hadovy ekanamist Źmicier Babicki i jašče niekalki čałaviek, jakija razam z Sałašam składali miascovy asiarodak.
U svoj čas Babicki i Sałaš udzielničali ŭ vybarčych kampanijach, bałatavalisia ŭ deputaty, źbirali podpisy za kandydataŭ ad apazicyi. U 2010‑ch jany adyšli ad palityki i zajmalisia tolki biznesam i hramadskaj dziejnaściu.
Na minułym tydni KDB pryznaŭ «ekstremisckim farmavańniem» inicyjatyvu «Skład butelek». Siarod tych, kaho nazvali datyčnym da jaje, byli i Siarhiej Sałaš i Źmicier Babicki. KDB taksama zajaviŭ, što da inicyjatyvy majuć dačynieńnie Valancin Bachcinaŭ, Alaksandra Višnieŭskaja, Nastaśsia Ciareška, Valeryja Bielskaja, Juryj Dušyn, Volha Strałkoŭskaja, Kirył Skabiejka, Dźmitryj Kavalonak, Siarhiej Statkievič.
«Ekstremizmam» ułady Biełarusi ličać padpiski na niezaležnyja kanały, ŚMI, najaŭnaść spasyłak na ich u sacyjalnych sietkach ci najaŭnaść u sacsietkach ci na rečach biełaruskaj nacyjanalnaj, dałukašenkaŭskaj simvoliki. Da «ekstremizmu» adnosiać taksama praktyčna lubuju krytyku ŭładaŭ, aficyjnych histaryčnych naratyvaŭ ci prajavy salidarnaści z Ukrainaj. «Ekstremisckimi» ličacca i niepadkantrolnyja ŭładam vidy dziejnaści.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju15
Kamientary
U Biełarusi zakatvajuć prosta za nierehłamientavanuju “biełaruščynu”
i pakarajem .
Žyvie Volnaja Niezaležnaja Vialikaja Litva !