Premjer-ministr Tajłanda zajaviŭ, što vajna z Kambodžaj praciahniecca
Jahony dopis źjaviŭsia praź niekalki hadzin paśla taho, jak prezident ZŠA Donald Tramp abviaściŭ, što baki hatovyja da spynieńnia ahniu.
Premjer-ministr Tajłanda Anutchin Čanvirakun napisaŭ u fejsbuku, što bajavyja dziejańni na miažy z Kambodžaj buduć praciahvacca. Jahony dopis źjaviŭsia praź niekalki hadzin paśla taho, jak prezident ZŠA Donald Tramp abviaściŭ, što baki hatovyja da spynieńnia ahniu.
«Tajłand budzie praciahvać vajennyja dziejańni da taho času, pakul my nie adčujem, što našaj ziamli i našamu narodu bolš ničoha nie pahražaje. Chaču zajavić heta vyrazna. Našy dziejańni siońnia ranicaj užo havaryli sami za siabie», — napisaŭ Čanvirakun.
Ministerstva infarmacyi Kambodžy zajaviła, što armija Tajłanda praciahnuła nanosić udary pa celach uzdoŭž miažy. Tajłand, u svaju čarhu, abvinavaciŭ Kambodžu ŭ «šmatrazovych parušeńniach mižnarodnych praviłaŭ», u pryvatnaści, u naniasieńni ŭdaraŭ pa hramadzianskich abjektach i ŭstanoŭcy min.
Raniej Tramp paviedamiŭ, što parazmaŭlaŭ z premjer-ministrami Tajłanda i Kambodžy — Anutchinam Čanvirakułam i Chunam Manietam — i jany pahadzilisia spynić bajavyja dziejańni.
-
Čelentana, Biejonse, Łedzi Haha i navat «Łaskavy maj» — što ŭ płejliście Nikoła Pašyniana
-
Italija, Bałharyja i Malta padtrymali Bielhiju ŭ patrabavańni šukać alternatyvu «reparacyjnamu kredytu» Ukrainie za košt rasijskich aktyvaŭ
-
ZŠA nieŭzabavie pačnuć naziemnyja ŭdary pa abjektach narkakartelaŭ u Vieniesuele
Kamientary