Piaskoŭ prakamientavaŭ abvinavačvańni ŭ atručvańni Navalnaha nadzvyčaj redkim zvyštaksičnym jadam
Kreml nazvaŭ abvinavačvańni ŭ atručvańni Alaksieja Navalnaha «praduziatymi» i «ni na čym nie zasnavanymi».
«My, naturalna, nie prymajem padobnych abvinavačańniaŭ, my ź imi nie zhodnyja, my ličym ich praduziatymi i ni na čym nie zasnavanymi. I, ułasna, my ich rašuča adchilajem», — zajaviŭ pres-sakratar Pucina Dźmitryj Piaskoŭ.
14 lutaha kiraŭniki Vialikabrytanii, Šviecyi, Francyi, Hiermanii i Niderłandaŭ vypuścili sumiesnuju zajavu ab zabojstvie Alaksieja Navalnaha ŭ kałonii 16 lutaha 2024 hoda.
Łabaratoryi ŭ hetych krainach praanalizavali proby, uziatyja paśla śmierci ŭ Alaksieja Navalnaha i nieviadomym čynam vyviezienyja jaho prychilnikami z Rasii, i pryjšli da vysnovy, što palityk byŭ atručany epibatydynam — rečyvam na asnovie jadu ekvadorskaj žaby-drevałaza.
«Tolki rasijskaja dziaržava vałodała srodkami, matyvam i mahčymaściu vykarystać hety śmiarotny taksin suprać Navalnaha padčas jaho źniavoleńnia ŭ rasijskaj papraŭčaj kałonii ŭ Sibiry, i my ličym jaje adkaznaj za jaho śmierć», — havorycca ŭ zajavie, apublikavanaj na sajcie ŭrada Vialikabrytanii.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1717
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
"A što maskoŭskaja imieryja była niejkaj inšaj, kaliści , kali ? tak zaŭsiody było ŭ maskovii, z 13s. "
- Peskov