Tramp aficyjna abviaściŭ 8 maja Dniom pieramohi ŭ Druhoj suśvietnaj vajnie
Prezident ZŠA Donald Tramp addaŭ rasparadžeńnie abviaścić 8 maja Dniom Pieramohi ŭ Druhoj suśvietnaj vajnie, havorycca ŭ prakłamacyi, apublikavanaj na sajcie Biełaha doma.
«Biez achviar amierykanskich sałdat hetaja vajna nie była b vyjhranaja, i naš śviet siońnia vyhladaŭ by zusim inakš», — havorycca ŭ prakłamacyi Trampa.
Pry hetym jon adznačyŭ, što ZŠA «šanujuć pamiać kožnaha, chto prynios siabie ŭ achviaru dziela svajoj krainy, svabody i vyžyvańnia zachodniaj cyvilizacyi».
Tramp nahadaŭ, što paśla napadu japoncaŭ na Piorł-Charbar 7 śniežnia 1941 hoda ZŠA «ŭstupili ŭ vajnu, staŭšy častkaj baraćby pamiž Dabrom i złom». U vyniku amal čatyroch hadoŭ surovych bajoŭ bolš za 250 tysiač amierykancaŭ zahinuli.
Najbolš dziŭnaje ŭ hetym rašeńni Trampa toje, što jon abviaściŭ 8 maja Dniom pieramohi mienavita ŭ Druhoj suśvietnaj vajnie, miž tym jak zaŭsiody ličycca, što hetaja vajna kančatkova skončyłasia tolki paśla kapitulacyi Japonii 2 vieraśnia 1945 hoda, a 8 maja 1945-ha zaviaršyŭsia tolki jaje nadzvyčaj važny etap.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary