Rešta bulby ŭ stabilizacyjnych fondach Biełarusi na siońnia składaje 5,9 tys. ton. Ab hetym paviedamiŭ ministr sielskaj haspadarki i charčavańnia Juryj Horłaŭ.
Usiaho ŭ minułym hodzie ŭ sielhasarhanizacyjach i fiermierskich haspadarkach krainy vyraścili 758,3 tys. ton bulby. Ź ich 48 tys. ton zakłali ŭ stabfondy. Heta, jak adznačaje kiraŭnik Minsielhascharču pakryvaje patreby handlu, jakija raźličyŭ MARH.
Pry hetym u zapasach zastajecca jašče 5,9 tys. ton bulby. Mienavita astatki stabfondaŭ, a taksama liški nasiennaj bulby nieabchodnaj charčovaj kalibroŭki stanuć asnoŭnymi krynicami napaŭnieńnia ŭnutranaha rynku.
Juryj Horłaŭ adznačyŭ, što ŭ hetym hodzie ŭ mižsiezońnie sielhaspradpryjemstvy pastavili ŭ kramy 78,3 tys. ton bulby. Heta bolš čym u paŭtary razy pieravyšaje zajaŭlenuju patrebu. Akramia taho, dla zadavalnieńnia popytu rehijony hatovy adhruzić jašče 2,4 tys. ton bulby. Dla apieratyŭnaha vyrašeńnia pytańniaŭ handlovyja sietki ŭzajemadziejničajuć z rehijonami. Pry hetym, pa słovach kiraŭnika Minsielhascharču, dla ŭsich — ad vytvorcy da spažyŭca — budzie vypracavanaja dakładnaja darožnaja karta.
Pavodle danych MARH, patreba handlovych sietak u bulbie ciapier składaje 2,1 tys. ton.
U viedamstvie dadali, što, uličvajučy rost patreby ŭ bulbie, abłvykankamy vyrašyli pavialičyć płoščy jaje pasadki pad uradžaj 2025 hoda na 3 tys. ha, to bok z 16,8 tys. da 19,7 tys. ha.
Ciapier čytajuć
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary
5900 000: 9100 000 = 0.648 ton na 1 biełarusa.
Da maładoj bulby čakać jašče 1.5 miesiacy. (Pa kaśmičnaj canie). I 2 miesiacy čakać maładoj bulby pa narmalnaj canie. A ŭstanovy hramadskaha charčavańnia kormiać staroj maładaja ŭžo pajaviłasia.
Marh śćviardžaje, što na kožnaha biełarusa zastałosia pa 648 kh bulby.
Padzielim na 2 miesiacy (60 dzion), da 7 lipienia.
648:60=10 kh.
Padzielim na 3 miesiacy (90 dzion), da 7 žniŭnia.
648:90=7.2 kh u dzień na kožnaha biełarusa.
Pytańnie: Dzie maje 7 kiło bulby pa 1r.40k. u dzień. Chto źjeŭ? Kudy vyvoziać? Kamu pradajuć?