Ministr abarony Pakistana zajaviŭ pra hatoŭnaść zaviaršyć vajenny kanflikt pry zhodzie Indyi
Pakistan hatovy spynić vajenny kanflikt ź Indyjaj, kali Ńju-Deli taksama zhadzicca na heta, zajaviŭ ministr abarony isłamskaj respubliki Chavadža Asif.
«Na praciahu apošnich dvuch tydniaŭ my pastajanna zajaŭlali, što nikoli nie zrobim varožych dziejańniaŭ u dačynieńni da Indyi. Ale kali na nas napaduć, my adkažam. Kali Indyja adstupić, my, biezumoŭna, pakładziom kaniec hetaj napružanaści», — skazaŭ Asif u intervju Bloomberg TV.
U noč na 7 maja Indyja abviaściła pra pačatak apieracyi «Sindura», skiravanaj suprać «terarystyčnaj infrastruktury» ŭ Pakistanie. Jana stała adkazam na napad uzbrojenych bajevikoŭ na turystaŭ u horadzie Pachałham u hornym rajonie Anantnah sajuznaj terytoryi Džamu i Kašmir, jaki adbyŭsia 22 krasavika. Tady zahinuli 26 čałaviek, a dziasiatki atrymali ranieńni. Adkaznaść za terakt uziała na siabie hrupiroŭka «Front supracivu», jakaja źjaŭlajecca adhalinavańniem «Łaškar-i-Tajba».
U miežach apieracyi «Sindura» Indyja naniesła ŭdary pa «terarystyčnych łahierach» u padkantrolnaj Isłamabadu častcy Kašmira — u Bachavałpury, Kotli, Sijałkocie, Murydkie, Muzafarabadzie i inšych nasielenych punktach.
Jak piša Hindustan Times, u častcy łahieraŭ raźmiaščajucca štaby i vučebnyja centry isłamisckich terarystyčnych hrupovak «Džaiš-e-Muchamad» i «Łaškar-i-Tajba». Adzin z łahieraŭ u akruzie Narovał słužyć bazaj dla bieśpiłotnikaŭ, z dapamohaj jakich na terytoryju Indyi skidvali zbroju, bojeprypasy i narkotyki, śćviardžaje vydańnie.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu7878
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu78
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary
Na baku Indyi ci na baku štaboŭ i vučebnych centraŭ isłamisckich terarystyčnych hrupovak «Džaiš-e-Muchamad» i «Łaškar-i-Tajba», jakija z dapamohaj bieśpiłotnikaŭ skidvajuć zbroju, bojeprypasy i narkotyki na terytoryju Indyi?