«Ja ž jeździŭ u Efiopiju, Zimbabve — nie było mahčymaści».
U siužecie BT pakazali, jak paśla narady ministr zamiežnych spraŭ Maksim Ryžankoŭ kaža pres-sakratarcy Łukašenki Natalli Ejsmant, što razabraŭsia z drovami.
— Natalla Mikałajeŭna, ja dakałoŭ usie drovy.
— Tolki ciapier?
— Nu tam na 10 kuboŭ. (…) Ja ž jeździŭ u Efiopiju, Zimbabve — tam u mianie nie było mahčymaści.
Mahčyma, heta adkaz na zaŭvahu Łukašenki paśla čempijanata pa kołcy drovaŭ u listapadzie 2024 hoda. Łukašenka tady spytaŭ: «Žurnalisty koluć, a čynoŭniki i hienierały — dzie?».
Kałoć drovy — chobi Łukašenki. Dachodzić da taho, što ŭ pajezdkach da Pucina ŭ Rasiju dla Łukašenki tam zvoziać drovy, kab jon moh — prynamsi na kamieru — pachvalicca svaim umieńniem. Siarod prapahandystaŭ niekalki hadoŭ pravodziać čempijanat pa kołcy droŭ, dzie Łukašenka pakazalna prosić papracavać kałunami i svajo blizkaje atačeńnie — Natallu Ejsmant, biznesmiena Siarhieja Ciacieryna, dziaŭčat sa słužby pratakołu, sienatara Dźmitryja Baskava.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»4
Kamientary