Va ŭniviersitety płanujuć nabrać bolš za 5 tysiač metavikoŭ. Pałova ź ich — miedyki
U hetym hodzie va ŭniviersitetach budzie kala 5,3 tysiačy metavych miescaŭ. Ź ich 2,3 tysiačy — na miedycynskija śpiecyjalnaści, 1,2 tysiačy — na sielskahaspadarčyja.
Pra heta paviedamlaje Ministerstva adukacyi.
Taksama siarod zapatrabavanych u arhanizacyj-zakazčykaŭ śpiecyjalnaściej — «Elektraenierhietyka i elektratechnika», «Inžyniernyja sietki, abstalavańnie budynkaŭ i zbudavańniaŭ», «Pravaznaŭstva», «Lasnaja haspadarka».
Usiaho ŭ VNU płanujuć nabrać 48,3 tysiačy studentaŭ. Heta značyć, što pad metavikoŭ advodziać 11% miescaŭ.
Kolkaść arhanizacyj-zakazčykaŭ, jakija padali zajaŭki na metavyja miescy ŭ VNU, pieravyšaje 400.
Va ŭstanovach siaredniaj śpiecyjalnaj adukacyi pad metavikoŭ vydzielili 890 miescaŭ na bolš čym 70 śpiecyjalnaściach.
Kolkaść zajaŭ ad abituryjentaŭ na metavyja miescy nie abmiežavanaja. Tyja, chto nie projdzie pa konkursie na metavuju padrychtoŭku, mohuć udzielničać u ahulnym konkursie na ahulnych padstavach. Studenty, jakija advučacca na metavym kirunku, pavinny paśla adpracavać 5 hadoŭ raźmierkavańnia.
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi5
Kamientary