Kudy i jak vyjechać ź Minska na dzień, kab adpačyć? Piać idej
Adpačyć na vialikija vychodnyja možna nie zakładvajučy na toje vialikich hrošaj i šmat času. Usiaho za adzin dzień možna źjeździć u šerah cikavych miescaŭ niedaloka ad Minska. «Naša Niva» skłała śpis ź piaci takich idej — na vypadak, kali Ratamku, Viazynku i Dududki vy ŭžo bačyli.
Kompleks Čapskich
Za 18 kiłamietraŭ ad Minska mieścicca Pryłucki pałacava-parkavy kompleks. Heta siadziba XVIII stahodździa, zakładzienaja na miescy byłoha manastyra. Apošnim pryvatnym uładalnikam parku i pałaca byŭ rod Čapskich, jaki pakinuŭ dom u 1917 hodzie.
Ciapier u pałacy dziejničaje dziaržaŭny Instytut achovy raślin — daśledčaje pradpryjemstva NAN Biełarusi. Vakoł — malaŭničyja ściežki, voziera i haspadarčyja budynki.
Ź Minska da kompleksu Čapskich možna dabracca za 25 chvilin na mašynie ci za hadzinu na hramadskim transparcie. Dla apošniaha treba sieści na №323 ci №429 aŭtobus i dajechać da prypynku «Pryłuki». Albo vykarystać maršrutku №1131, jakaja jedzie z Centralnaha aŭtavakzała.
Naturnaja placoŭka «Biełaruśfilma» kala Smalavičaŭ
Niedaloka ad Smalavičaŭ jość naturnaja placoŭka «Biełaruśfilma» — miesca z anturažnymi domikami kala voziera Kamienka. Rajon, jaki vykarystoŭvaje kinastudyja, miascovyja žychary nazyvajuć prosta — «Smalavud».
Tut možna nie tolki pabłukać pa lesie i pahladzieć na vadu, ale i spynicca na noč u admysłovym hateli. Dajechać da placoŭki ź Minska zojmie kala 45 chvilin na mašynie i prykładna 1,5 hadziny na hramadskim transparcie — zaležyć ad raskładu.
Kali ŭ vas niama mašyny, jość dva šlachi: dajechać da Smalavičaŭ na elektryčcy i tam sieści na aŭtobus №410 da prypynku «Małaja Kamienka» ci ź Minska złavić maršrutku da «Małoj Kamienki» ci «Kryvoj Biarozy» (kirunak na Žodzina). Ad prypynkaŭ da kinaplacoŭki treba budzie prajścisia pieššu.
Ekaściežka «Śviatyja krynicy»
Za 40 kiłamietraŭ ad Minska mieścicca ekałahičnaja ściežka «Śviatyja krynicy». Praciahłaść ściežki — 350 mietraŭ, na šlachu — altanki, skulptury z dreva i krynicy, vadu ź jakich možna pić.
Kab dabracca tudy ź Minska, treba ci prajechać na mašynie, ci sieści ŭ maršrutku №1485š — jana daviazie vas da Bachmietaŭki, a adtul treba budzie prajścisia kala 3,5 kiłamietra. Na pačatku ekaściežki budzie bačny ŭkazalnik z asnoŭnaj infarmacyjaj pra «Śviatyja krynicy».
Etnahrafičny kompleks «Młyn» u Zasłaŭi
Muziej pad adkrytym niebam raskazvaje pra žyćcio Zasłaŭja ŭ pačatku XX stahodździa. Asnoŭny abjekt — paravy młyn — pabudavali ŭ 1910 hodzie na srodki zamožnaha žychara horada Miachiedka-Savickaha.
Tut ža možna naviedać Dziciačy muziej mifałohii i lesu, muziej «DOT», adziny ŭ Biełarusi Muziej malavanki i inšyja ekspazicyi.
Pahladzieć na kompleks udasca, kali prajechać mašynaj da Zasłaŭja ci złaviŭšy maršrutku, naprykład, №499. Darečy, na šlachu možacie paśpieć jašče raz zazirnuć u Ratamku.
Hidrapark «Sasnovy Bor»
Za 50 kiłamietraŭ ad Minska, kala Radaškovičaŭ, možna adpačyć pad huki vady. Hidrapark «Sasnovy bor» — heta miesca z kanałami, vadaspadami i padviesnymi mastami.
Dajechać da jaho prosta nie tolki na mašynie, ale i aŭtobusam — pa maršrutach №432 ci №414. Vyjści treba na prypynku «Sanatoryj «Sasnovy Bor».
U samim sanatoryi pry žadańni možna i zabraniravać adpačynak. Dvuchmiesny numar u asnoŭnym korpusie budzie kaštavać 132 rubli ŭ sutki.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1919
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes19
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary
Darečy ŭ Jeŭropie možna ŭ kožnaj vioscy znajści niešta cikavaje dla turyzmu na adzin dzień. I hatel budzie, i krama, i karčma dzie možna narmalova pajeści.
>u Zasłaŭje - u Zasłaŭi
>U samoj sanatoryi - U samim sanatoryi