Biełaruskich bijatłanistaŭ nie źbirajucca dapuskać da mižnarodnych startaŭ
U Mižnarodnym sajuzie bijatłanistaŭ (IBU) paviedamili, što da poŭnaha ŭrehulavańnia kanfliktu va Ukrainie nie bačać mahčymaści dopusku da mižnarodnych spabornictvaŭ rasijskich i biełaruskich spartsmienaŭ.
Zbornyja Biełarusi i Rasii adchilenyja ad mižnarodnych spabornictvaŭ z 2022 hoda. Raniej u mižnarodnaj fiederacyi zajaŭlali, što tearetyčna mohuć dapuścić rasijan i biełarusaŭ na zimovuju Alimpijadu 2026 hoda pa śpiecyjalnych zaprašeńniach, ale pakul što aficyjnaja pazicyja nie pamianiałasia.
«Jak užo paviedamlałasia šmat razoŭ, rašeńnie ab adchileńni rasijskich i biełaruskich bijatłanistaŭ budzie praciahvacca da taho času, pakul abiedźvie nacyjanalnyja fiederacyi nie prademanstrujuć poŭnuju prychilnaść padtrymcy i prasoŭvańni metaŭ i pryncypaŭ IBU.
U arhanizacyi nie bačać mahčymaści dla dopusku spartsmienaŭ dźviuch krain až da poŭnaha ŭrehulavańnia kanfliktu va Ukrainie. Pa situacyi na biahučy momant heta tyčycca Kubka śvietu i Alimpijskich hulniaŭ», — adznačyli ŭ Mižnarodnym sajuzie bijatłanistaŭ.
Raniej paviedamlałasia, što Mižnarodny alimpijski kamitet pakul što nie pryniaŭ kančatkovaha rašeńnia adnosna ŭdziełu atletaŭ z Rasii i Biełarusi ŭ zimovych Alimpijskich hulniach 2026 hoda, ale nibyta schilajecca da anałahičnaha padychodu, jaki byŭ prymienieny dla Alimpijskich hulniaŭ u Paryžy ŭ 2024 hodzie — vystupleńni spartsmienaŭ u niejtralnym statusie i paśla strohaj pravierki na suviazi z režymami Pucina i Łukašenki. Zrešty, i tady šmat zaležała ad pazicyi mižnarodnych fiederacyj — lohkaatlety abiedźviuch krain, naprykład, dapuščanyja nie byli ni pry jakich umovach.
MAK schilajecca da taho, kab dapuścić biełaruskich spartsmienaŭ da ŭdziełu ŭ zimovych Alimpijskich hulniach
Mižnarodnaja fiederacyja handboła paprasiła viarnuć u «našu handbolnuju siamju» biełarusaŭ i rasijan
Źniali zabaronu na kamandnyja vystupleńni biełaruskich himnastaŭ i akrabataŭ
Da čempijanatu śvietu pa fiechtavańni dapuścili navat «niejtralnych» rasijskich aficeraŭ
Ciapier čytajuć
U Mahilovie adbyłosia šeście da miesca masavych represij 1930‑ch — ź ikonaj rasijskaha cara i impierskim trykałoram1
U Mahilovie adbyłosia šeście da miesca masavych represij 1930‑ch — ź ikonaj rasijskaha cara i impierskim trykałoram
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary