Mižnarodnaja fiederacyja handboła paprasiła viarnuć u «našu handbolnuju siamju» biełarusaŭ i rasijan
Mižnarodnaja fiederacyja handboła (IHF) źviarnułasia da Mižnarodnaha alimpijskaha kamiteta z prośbaj adnavić udzieł nacyjanalnych kamand Biełarusi i Rasii ŭ mižnarodnych spabornictvach. Pra heta paviedamiła Biełaruskaja fiederacyja handboła, spasyłajučysia na list ad prezidenta IHF Chasana Mustafy.
Pavodle najaŭnaj infarmacyi, 5 červienia 2025 hoda IHF padała ŭ MAK scenar viartańnia biełaruskich i rasijskich handbolnych kamand na suśvietnuju spartyŭnuju arenu. U zvarocie adznačałasia, što ŭdzieł hetych krain, maŭlaŭ, maje vialikaje značeńnie dla raźvićcia i papularyzacyi handboła va ŭsim śviecie.
Chasan Mustafa zajaviŭ, što IHF padtrymlivaje pryncypy alimpijskaha ruchu, adnak rašeńnie ab adchileńni častki «našaj handbolnaj siamji» było vielmi niaprostym. Jon padkreśliŭ, što IHF nieadnarazova źviartałasia da MAK, ale aficyjnaha adkazu pakul niama. Jak tolki taki adkaz budzie atrymany, fiederacyja abiacaje paviedamić pra heta publična.
4 sakavika 2022 hoda IHF prypyniła ŭdzieł biełaruskich i rasijskich kamand, aficyjnych asob i sudździaŭ u svaich spabornictvach u adpaviednaści z rekamiendacyjami MAK. Heta było sankcyja za raźviazańnie Rasijaj poŭnamaštabnaj vajny va Ukrainie pry padtrymcy režymu Łukašenki.
Raniej paviedamlałasia, što Mižnarodnaja fiederacyja himnastyki dazvoliła biełaruskim spartsmienam udzielničać u spabornictvach u niejtralnym statusie nie tolki ŭ asabistych, ale i ŭ kamandnych dy hrupavych vidach.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary