Tramp źbirajecca restrukturyzavać Dziarždepartamient i zakryć mnohija pasolstvy i konsulstvy ŭ Afrycy
Prajekt rasparadžeńnia, jaki rychtujecca padpisać Donald Tramp, spynić bolšaść apieracyj u Afrycy i zakryje ofisy, jakija zajmajucca pytańniami demakratyi, pravoŭ čałavieka i ŭciekačoŭ, piša The New York Times sa spasyłkaj na kopiju dakumienta.
U prajekcie rasparadžeńnia Biełaha doma prapanujecca radykalnaja restrukturyzacyja Dziaržaŭnaha departamienta, uklučajučy likvidacyju amal usich jaho apieracyj u Afrycy i zakryćcio pasolstvaŭ i konsulstvaŭ pa ŭsim kantyniencie.
Prajekt taksama praduhledžvaje skaračeńni ofisaŭ, jakija zajmajecca pytańniami źmieny klimatu i ŭciekačoŭ, a taksama prablemami demakratyi i pravoŭ čałavieka.
Prapanavanaja rearhanizacyja pryviadzie da zakryćcia rehijanalnych biuro, jakija dapamahajuć raspracoŭvać i ŭkaraniać palityku ŭ vialikich častkach ziamnoha šara. Zamiest hetaha, havorycca ŭ prajekcie, hetyja funkcyi buduć uskładzieny na čatyry karpusy: Jeŭrazijski korpus (składajecca ź Jeŭropy, Rasii i Centralnaj Azii), Blizkaŭschodni, Łacinaamierykanski i Inda-Cichaakieanski.
Adna z najbolš radykalnych prapanavanych źmien — likvidacyja biuro pa spravach Afryki, jakoje kuryruje palityku ŭ krainach na poŭdzień ad Sachary. Jaho zamieniać ofisam śpiecyjalnaha pasłańnika pa spravach Afryki, jaki budzie padparadkoŭvacca Radzie nacbiaśpieki Biełaha doma. Ofis budzie zajmacca niekalkimi pytańniami, uklučajučy «skaardynavanyja kontrterarystyčnyja apieracyi» i «stratehičnuju zdabyču najvažniejšych pryrodnych resursaŭ i handal imi».
U prajekcie taksama havorycca, što ŭsie «druharadnyja» ambasady i konsulstva ŭ krainach Afryki na poŭdzień ad Sachary buduć zakrytyja da 1 kastryčnika.
U Departamiencie budzie likvidavana biuro, jakoje kuryruje pytańni demakratyi i pravoŭ čałavieka, biuro, jakoje zajmajecca biežancami imihracyjaj. Departamient taksama pazbavicca ad pasady śpiecyjalnaha pasłańnika pa pytańniach klimatu.
Meta ŭkaza — «dyscyplinavanaja rearhanizacyja» Dziarždepartamienta i «spraščeńnie vykanańnia zadač», pry hetym płanujuć skaracić «marnatraŭstva, machlarstva i złoŭžyvańni».
Miarkujecca, što Departamient uniasie źmieny da 1 kastryčnika.
Ciapier čytajuć
Padazronaha aktyvista-stukača Paŭła Bialucina pryvieźli z Turcyi1
Kamientary