U Minsku žyvie bolš vieteranaŭ «Vialikaj Ajčynnaj vajny», čym u inšych rehijonach krainy, zajaviła na pres-kanfierencyi namieśnica staršyni Kamiteta pa pracy, zaniataści i sacyjalnaj abaronie Minharvykankama Volha Vasileŭskaja. Ale ich užo mienš za try sotni čałaviek.
«U Minsku žyvuć 278 vieteranaŭ Vialikaj Ajčynnaj vajny i 939 asob, jakija adnosiacca da katehoryi paciarpiełych ad nastupstvaŭ VAV», — raskazała čynoŭnica.
Najstarejšamu vieteranu, ci, jak vykazałasia Volha Vasileŭskaja, «pracaŭnicy tyłu», 8 lutaha spoŭniłasia 107 hadoŭ. Uvohule i siarod vieteranaŭ-doŭhažycharoŭ, jak i pa inšych katehoryjach, žančyn užo bolš, čym mužčyn.
Napiaredadni Dnia Pieramohi ŭsim vieteranam budzie z 2 pa 8 maja vypłačana materyjalnaja dapamoha ŭ pamiery ad 1500 da 5000 rubloŭ, u zaležnaści ad katehoryi. Taksama orhany sacyjalnaj abarony na pastajannaj asnovie pravodziać abśledavańnie žyllovych umoŭ usich vieteranaŭ.
«Analiz zajavak pakazvaje, što, jak praviła, heta nievialikija prośby. Heta pastanoŭka na sacyjalnaje absłuhoŭvańnie, nadańnie pasłuh sacrabotnikaŭ, pamočnikaŭ pa dohladu. Heta pytańni arhanizacyi śviatočnych mierapryjemstvaŭ albo ich udziełu ŭ śviatočnych mierapryjemstvach», — skazała Vasileŭskaja.
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ4
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3232
Kamientary