Na borcie viertalota byli piłot i siamja turystaŭ ź Ispanii: dvoje darosłych i troje dziaciej.
Prynamsi šeść čałaviek zahinuli ŭ vyniku padzieńnia viertalota ŭ čaćvier u raku Hudzon u Ńju-Jorku, piša Bi-bi-si.
Pradstaŭniki ŭładaŭ i ratavalnikaŭ Ńju-Jorku paviedamili žurnalistam, što na borcie viertalota byli piłot i siamja turystaŭ ź Ispanii: dvoje darosłych i troje dziaciej.
Pryčyny katastrofy pakul nie viadomyja. Na videa, jakoje raźlaciełasia pa sacsietkach i farmalna pakul nie vieryfikavanaje, vidać, jak viertalot padaje ŭ raku amal viertykalna, pierakulvajučysia ŭ pavietry.
Viertalot upaŭ kala samaha histaryčnaha centra Ńju-Jorku, kala Nižniaha Manchetena, ale na procilehłym bierazie raki Hudzon, na jakim znachodzicca Ńju-Džersi-Sici. Kamisar palicyi Ńju-Jorku Džesika Ciš raspaviała na pres-kanfierencyi, što viertalot naležaŭ firmie New York Helicopters («Viertaloty Ńju-Jorku»), jakaja arhanizoŭvała paloty nad horadam dla turystaŭ.
Pavodle źviestak sajta FlightRadar, da katastrofy viertalot ździejśniŭ niekalki palotaŭ uzdoŭž Manchetena i Hudzona, kožny raz uźlatajučy ź viertalotnaj placoŭki ŭ Nižnim Manchetenie i viartajučysia na jaje.
Madel viertalota — Bell 206L-4 LongRanger IV, takija zvyčajna źmiaščajuć siem čałaviek.
Pavodle słoŭ kamisara Ciš, imiony achviaraŭ katastrofy buduć apublikavanyja tolki paśla taho, jak pra ich hibiel paviedamiać svajakam.
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja17
Kamientary