Ukrainskija śpiecsłužby vałodajuć infarmacyjaj, što ŭ rasijskim vojsku vajujuć prynamsi 155 hramadzian Kitajskaj Narodnaj Respubliki. Pra heta zajaviŭ prezident Ukrainy, piša Rasijskaja słužba Radyjo Svaboda.
Pavodle jaho słoŭ, rasijskija ŭłady raspaŭsiudžvajuć praz sacsietki rekłamnyja videa z zaklikam padpisać kantrakt.
«Zrazumiełaja schiema, jak ich vierbujuć. Adna ź ich — praz sacyjalnyja sietki, u pryvatnaści TikTok i inšyja kitajskija płatformy, dzie rasijanie raspaŭsiudžvajuć rekłamnyja roliki. Aficyjny Piekin pra heta viedaje», — skazaŭ Zialenski.
Raniej vydańnie «Ukrainskaja praŭda» sa spasyłkaj na adździeł kamunikacyj apieratyŭna-taktyčnaj hrupoŭki «Łuhansk» paviedamlała pra śviedčańni adnaho z zatrymanych u Danieckaj vobłaści hramadzian Kitaja. Pavodle ŭkrainskich vajskoŭcaŭ, mužčyna raspavioŭ, što pajšoŭ u rasijskaje vojska dziela atrymańnia rasijskaha hramadzianstva. Padrychtoŭku jon prachodziŭ na akupavanaj terytoryi Łuhanskaj vobłaści. Pavodle jaho słoŭ, kab trapić u armiju RF, jon zapłaciŭ pasredniku ŭ Kitai 300 tysiač rasijskich rubloŭ.
8 krasavika Zialenski paviedamiŭ pra ŭziaćcie ŭ pałon u Danieckaj vobłaści niekalkich hramadzian KNR, jakija vajavali na baku Rasii. Jon daručyŭ ministru zamiežnych spraŭ Andreju Sibihu terminova źviazacca ź Piekinam i vyśvietlić, jak Kitaj maje namier reahavać na heta.
MZS Ukrainy vyklikała časovaha pavieranaha ŭ spravach Kitaja, kab atrymać tłumačeńni.
Kitaj, u svaju čarhu, zajaviŭ, što nie nakiroŭvaŭ svaich vajskoŭcaŭ vajavać va Ukrainu na baku Rasii.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary