Na BT pakazali zatrymanaha kiroŭcu, jaki jechaŭ na busie z vybuchoŭkaj
Mytnia paviedamiła siońnia, što ŭ Biełaruś sprabavali ŭvieźci najbujniejšuju ŭ historyi krainy partyju vybuchoŭki — 580 kiłahramaŭ. Kiroŭcu zatrymali na miažy z Polščaj.
Jak raskazali paźniej u siužecie BT, bus Mercedes na małdaŭskich numarach pryjechaŭ u Biełaruś z boku Polščy 2 krasavika. Jaho pierahaniali ź Litvy ŭ Rasiju.
Zatrymany kiroŭca — 41-hadovy Jaŭhien Mańko. Mańko jak jurasoba zajmajecca pieravozkaj aŭto. Pieravieźci hety bus, pa jaho słovach, jaho paprasiŭ tavaryš z Estonii Raman, ź jakim jany daŭno znajomyja. A Ramanu bus padahnaŭ niejki Ivan — jon i pierarabiŭ aŭto byccam pad aŭtadom.
Na miažy bus adpravili na skanavańnie. Tam ŭbačyli niecharakternyja zaciamnieńni ŭ padłozie aŭtamabila, a taksama ŭ ściency, jakaja padzialaje hruzavy i pasažyrski adsieki. Pry dahladzie i demantažy padłohi i ścienak aŭtamabila pabačyli, što jon napoŭnieny toŭstym płastom rečyva śvietła-šeraha i śvietła-žoŭtaha koleru. Mytnia paviedamlała, što vybuchovaje rečyva sprabavali schavać, nakryŭšy jaho vibrašumaizalacyjnymi listami i listami DSP.
Śćviardžajecca, što heta asabliva mahutnaje vybuchovaje rečyva zamiežnaj vytvorčaści (mierkavana ZŠA).
Kiroŭcu zatrymali. Jon kaža, što jaho vykarystali ŭciomnuju. Na mužčynu zaviali kryminalnuju spravu pa č. 2 art. 333-1 Kryminalnaha kodeksa. Pa im pahražaje pazbaŭleńnie voli da 10 hadoŭ.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary