Pieršyja masavyja pratesty ŭ ZŠA paśla viartańnia Trampa ŭ Bieły dom. Sam jon hulaje ŭ holf
Natoŭpy libieralnych pratestoŭcaŭ sabralisia ŭ amierykanskich haradach na manifiestacyi suprać palityki prezidenta Donalda Trampa. Heta najbujniejšaja ahulnanacyjanalnaja akcyja pratestu ŭ ZŠA z taho času, jak Tramp ustupiŭ na pasadu, piša VVS.
Arhanizatary kampanii Hands Off («ruki preč») płanavali akcyi ŭ 1200 miescach va ŭsich 50 štatach. U subotu vialikija natoŭpy ludziej možna było nazirać u Bostanie, Ńju-Jorku, Čykaha, Łos-Andželesie i Vašynhtonie.
Siarod nasielnictva bujnych haradoŭ u ZŠA pieravažajuć supierniki Trampa. Adnak publičnych pratestaŭ u apošnija miesiacy było niašmat.
Kamientatary ŭ ŚMI tłumačać heta roznymi pryčynami: ad stomlenaści i depresii libieralnaj častki amierykanskaha hramadstva ad šmathadovaj kulturnaj vajny da strachu, što heta spravakuje Trampa adkazać hvałtam.
Užo padčas pratestaŭ za rasavuju spraviadlivaść u 2020 hodzie mnohija prychilniki Trampa zaklikali jaho prymianić Akt ab paŭstańniach, vydadzieny na śvitanku amierykanskaj niezaležnaści ŭ 1807 hodzie, i ŭvieści vojski ŭ bujnyja harady. Padčas svajho druhoha terminu Tramp mała ličycca ź niapisanymi, a niaredka i ź pisanymi normami amierykanskaj palityki i atačaje siabie łajalnymi ludźmi, hatovymi vykanać luby jahony zahad.
Paśla abjaŭleńnia Trampam vysokich mytnych taryfaŭ na impart demanstracyi salidarnaści prajšli i ŭ mnohich inšych krainach, u pryvatnaści ŭ Łondanie, Paryžy i Bierlinie.
U Vašynhtonie na mitynhu vystupili zakanadaŭcy ad Demakratyčnaj partyi. Jany asabliva šmat kazali ab ŭpłyvie bahatych donaraŭ Trampa, pierš za ŭsio Iłana Maska. Kanhresmien z Fłarydy Makśvieł Frost nazvaŭ heta «pahłynańniem našaha ŭrada miljarderami».
«Kali vy kradziecie ŭ naroda, čakajcie, što narod paŭstanie. Kala vybarčych skryniaŭ i na vulicach», — padkreśliŭ palityk.
U samoha Trampa ŭ subotu publičnych mierapryjemstvaŭ nie było. Jon hulaŭ u holf u Mar-a-Łaha i maje namier praciahvać hulać i ŭ niadzielu.
Tom Choŭman, vykonvajučy abaviazki kiraŭnika imihracyjnaj palicyi ICE, u intervju kansiervatyŭnamu kanału Fox News adazvaŭsia ab pratestujučych hrebliva: «Jany mohuć pratestavać u pustujučaha doma, kolki chočuć… Pratesty i mitynhi ničoha nie značać. Tak što niachaj iduć i realizujuć svaje pravy pavodle Pieršaj papraŭki [na svabodu słova]. Heta ničoha nie źmienić».
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1212
Kamientary
Pytańnie da trampistaŭ maska iłanistaŭ z rB i čto tutaka " levaje"?? Mnie padajecca ..padobnyje patrabavańnia byli u Biełarusi
U Štatach nuvarišy apošnich 30 hod zabylisia ..ni viedajuć čamu jak " raptam" Fordy Krupy ińšyja taŭstasumy " zakatali huby" i pačali sabie mieńšy % procEnt adsodak prybytka
))) Dobry vialiki akijan ni uratuje ad " Hrozdia hnieva" )))
Raman Stiejnbieka o " diepriesii" 30 ch v Štatach 90 hod tamu..Ŭsie było Praciah budzie
========
I što? Vialiki amerykanski narod, kali b Tramp dastasavaŭ siłu, pahadziŭsia b žyć tatalitarnaj krainie? A ŭ nas ža kažuć, što heta paŭnočnakarejcy i biełarusy - "ciarpiły", a amerykancy, akazvajecca, taksama.