Były ŭdzielnik vajny z Ukrainaj zhvałciŭ i zabiŭ siamikłaśnicu ŭ Ćviarskoj vobłaści
Dzicia niekalki dzion šukali sotni vałancioraŭ, piša Astra.
Raniej sudzimy za zhvałtavańnie i zabojstva vajskoviec US RF 34-hadovy Alaksandr Siarhiejeŭ viarnuŭsia z vajny i zhvałciŭ 13-hadovuju siamikłaśnicu ŭ Ćviarskoj vobłaści.
13-hadovaja Vijaleta źnikła 21 sakavika 2025 hoda. Byli arhanizavany maštabnyja pošuki. 29 sakavika pravaachoŭnyja orhany paviedamili, što cieła dziaŭčynki znojdziena ŭ lasnym masivie.
Aficyjna paviedamlałasia ab zatrymańni złačynca, ale jaho asoba i toj fakt, što jon udzielnik ŭvarvańnia RF va Ukrainu ŭ składzie US RF, nie paviedamlalisia.
30 sakavika sud zaklučyŭ jaho pad vartu, paviedamiła prakuratura Ćviarskoj vobłaści.
«Pryvabiŭ u aŭto, zhvałciŭ i zadušyŭ», — pisała vydańnie «Rien-TV» pra zabojstva dziciaci.
1 krasavika Vijaletu pachavali. «Na cyrymoniju raźvitańnia pryjšli ŭsie miascovyja žychary, što zmahli znajści čas. Pryjechali tyja, chto ŭdzielničaŭ u pošukach. Siabry zabitaj dziaŭčynki. Płošča pierad DK była zapoŭnienaja ludźmi. Hetaja trahiedyja nie pakinuła abyjakavym nikoha», — pisali miascovyja ŚMI.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary
Tut hałoŭnaje što jon sieryjny hvałtaŭnik i zabojcy! Kali b sudzili ŭ Biełarusi pastavili b da ścienki.