«Mahčyma, u mianie niejkija italjanskija karani». Sabalenka parazvažała pra nacyjanalny charaktar biełarusaŭ
Pieršy numar suśvietnaha rejtynhu paśla pieramohi na turniry ŭ Majami raspaviała rasijskamu žurnalistu, ci možna ličyć biełarusaŭ spakojnymi.
Pytańnie pra nacyjanalny charaktar biełarusaŭ Arynie Sabalenka zadaŭ rasijski žurnalist.
Jon adznačyŭ, što «biełarusaŭ ličać dobrazyčlivymi, pracavitymi i spakojnymi ludźmi». I spytaŭ, ci adpaviadaje hetamu apisańniu sama Sabalenka, piša «Sport-Ekspres».
«My i praŭda dobrazyčlivyja. Dumaju, što biełarusy — narod adkryty, dobry i zaŭsiody hatovy dapamahčy. Vy pravilna skazali — dobrazyčlivyja. I vielmi pracavityja. Dumaju, što mienavita hetaja jakaść dapamahła mnie stać toj, kim ja jość.
Što da spakoju… Tut nie mahu ničoha kazać. Mahčyma, u mianie niejkija italjanskija karani ci niešta padobnaje, bo moj tempieramient — taki, cha-cha, vielmi emacyjny. Ale, u pryncypie, ja zmahła jaho strymać, i ciapier u mianie jość kantrol nad emocyjami», — adkazała Sabalenka.
Pieršaja rakietka śvietu ź Biełarusi vyjhrała prestyžny turnir u Majami i zarabiła 1,2 miljona dołaraŭ.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary
biełarusy - nieŭry. nieŭrymślivyja.
mianie časam nazyvajuć ukrainkaj za maju emacyjnaść i t.p. ale ja nie ŭkrainka