DAI Minskaj vobłaści kaža, što DAI Hrodzienskaj vobłaści zapuściła fejk pra techahlad
12 sakavika DAI Hrodzienskaj vobłaści ŭ instahramie apublikavała hučnuju navinu pra toje, što ciapier lubaja kamiera na darozie moža fiksavać adsutnaść u mašyny techahladu. Paśla hetaha na stancyjach dyjahnostyki vystrailisia čerhi z aŭtaŭładalnikaŭ. Adnak u vyniku hetyja danyja apynulisia fejkam, daviedaŭsia partał Slutsk Gorod.
Spačatku vydańnie źviarnułasia pa kamientaryj nakont hetaha da DAI Słucka. Pradstaŭniki viedamstva paviedamili: im nie davodzili nijakaj infarmacyi, što zvyčajnyja kamiery videanazirańnia zaraz fiksujuć TA.
Situacyju kančatkova rastłumačyli ŭ pres-słužbie UDAI Minabłvykankama.
Tam adznačyli, što infarmacyja ab fiksacyi techahladu zvyčajnymi kamierami, jakaja patrapiła ŭ sieciva, źjaviłasia pamyłkovaj i zatym biez pravierki była raspaŭsiudžanaja mnohimi internet-resursami. Pa sutnaści, heta akazałasia fejkam.
Takim čynam, zvyčajnyja kamiery videanazirańnia i kamiery respublikanskaj sistemy manitorynhu hramadskaj biaśpieki ŭ aŭtamatyčnym režymie nie mohuć fiksavać toje i inšyja parušeńnie, zaklučaje vydańnie.
Miž tym, mienavita Hrodzienskaja DAI raspaŭsiudziła hetu infarmacyju. «Usie kamiery kantrolu chutkaści, a taksama kamiery manitorynhu pa ŭsioj Biełarusi zaraz paralelna praviarajuć dziaržtechahlad aŭtamabila. Kali jaho niama, robiać aŭtamatyčnaje fota, a śledam vam prylacić «list ščaścia» sa štrafam», — havaryłasia ŭ zajavie Hrodzienskaj DAI.
Paśla taho, jak DAI papužała novymi kamierami, biełarusy vystrailisia ŭ čerhi na techahlad.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu11
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary