Paśla taho, jak DAI papužała novymi kamierami, biełarusy vystrailisia ŭ čerhi na techahlad
12 sakavika DAI Haradzienskaj vobłaści ŭ svaim instahramie apublikavała hučnuju navinu pra toje, što ciapier lubaja kamiera na darozie moža fiksavać niaprojdzieny techahlad, piša abw.by. Paśla taho na niekatorych stancyjach dyjahnostyki źjavilisia čerhi.
U Biełarusi na stancyjach «usie kamiery kantrolu chutkaści, a taksama kamiery manitorynhu pa ŭsioj Biełarusi ciapier paralelna praviarajuć dziaržtechahlad aŭtamabila, i kali jaho niama, robiać aŭtamatyčnaje fota parušeńnia, a śledam vam prylacić «list ščaścia» sa štrafam», — papiaredziła tady DAI.
Hetaja infarmacyja była apublikavanaja ŭ storys i praz sutki paśla publikacyi źnikła. Chtości ŭspryniaŭ navinu skieptyčna, a chtości pajechaŭ na techahlad. Na niekatorych stancyjach dyjahnostyki źjavilisia čerhi.
Videa čerhaŭ z aŭtamabilaŭ apublikavaŭ błohier «Mierzkij Kokobaj»
Pradpryjemstva «Biełtechahlad» pakazała, jak vyhladaje situacyja na dźviuch stancyjach.
«Čerhi na dyjahnastyčnych stancyjach №210 u Miensku i №200 u Breście paśla naviny pra toje, što adsutnaść techahladu buduć fiksavać kamiery», — tak padpisali ŭ «Biełtechahladzie» hetyja fota.
Štraf za adsutnaść dazvołu na ŭdzieł u darožnym ruchu vypisvajecca tolki raz na sutki, a nie pry kožnym traplańni ŭ abjektyŭ kamiery.
Kali parušeńnie zafiksavała kamiera, to na pieršy raz praduhledžana papiaredžańnie. Druhi raz na praciahu hoda štraf składaje 0,5 bazavaj vieličyni (21 rubiel). Treci i nastupnyja razy na praciahu hoda — 2 bazavyja vieličyni (84 rubli).
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy13
Kamientary
K zvyčajnamu rabstvu dadałasia i cyfravoje rabstva