Kubrakoŭ daručyŭ acanić, ci nie zanadta składany ciapier ekzamien na pravy kiroŭcy
Ministr unutranych spraŭ Ivan Kubrakoŭ pravioŭ pracoŭnuju naradu z kiraŭničym składam DAI. Jak paviedamili ŭ pres-słužbie MUS, ministr padkreśliŭ, što z nadychodam viasnova-letniaha pieryjadu asablivy akcent nieabchodna zrabić na prafiłaktycy DTZ z udziełam matacyklistaŭ, viełasipiedystaŭ i samakatčykaŭ.
Taksama jon daručyŭ vyvučyć, nakolki apraŭdanaja składanaść praktyčnaha ekzamienu na atrymańnie pravoŭ na kiravańnie. Heta zroblena, maŭlaŭ, z ulikam skarhaŭ hramadzian.
«Z hetaj metaj ciapier analizujucca pałažeńni instrukcyi ab paradku pryjomu kvalifikacyjnych ekzamienaŭ na prava kiravańnia miechaničnym transpartnym srodkam», — raskazali ŭ MUS.
Tydzień tamu na inšaj naradzie Kubrakoŭ źviarnuŭ uvahu na niedastatkovy ŭzrovień padrychtoŭki kursantaŭ aŭtaškoł. Ź pieršaj sproby ekzamien zdajuć nie bolš za 30% kursantaŭ, praz što pavialičvajecca čas čakańnia pierazdačy praktyčnaha ekzamienu ŭ Minsku.
Ciapier čytajuć
Trahiedyja ŭ Barysaŭskaj balnicy: unučka pacyjenta kaža, što na jaho źviarnuli ŭvahu praz šeść hadzin, kali ŭžo piena pajšła z rota — jon pamior11
Trahiedyja ŭ Barysaŭskaj balnicy: unučka pacyjenta kaža, što na jaho źviarnuli ŭvahu praz šeść hadzin, kali ŭžo piena pajšła z rota — jon pamior
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks1818
Kamientary