Кубракоў даручыў ацаніць, ці не занадта складаны цяпер экзамен на правы кіроўцы
Міністр унутраных спраў Іван Кубракоў правёў працоўную нараду з кіраўнічым складам ДАІ. Як паведамілі ў прэс-службе МУС, міністр падкрэсліў, што з надыходам вяснова-летняга перыяду асаблівы акцэнт неабходна зрабіць на прафілактыцы ДТЗ з удзелам матацыклістаў, веласіпедыстаў і самакатчыкаў.
Таксама ён даручыў вывучыць, наколькі апраўданая складанасць практычнага экзамену на атрыманне правоў на кіраванне. Гэта зроблена, маўляў, з улікам скаргаў грамадзян.
«З гэтай мэтай цяпер аналізуюцца палажэнні інструкцыі аб парадку прыёму кваліфікацыйных экзаменаў на права кіравання механічным транспартным сродкам», — расказалі ў МУС.
Тыдзень таму на іншай нарадзе Кубракоў звярнуў увагу на недастатковы ўзровень падрыхтоўкі курсантаў аўташкол. З першай спробы экзамен здаюць не больш за 30% курсантаў, праз што павялічваецца час чакання пераздачы практычнага экзамену ў Мінску.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі17
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары