Jak padać padatkovuju dekłaracyju ŭ Polščy ci Litvie i padtrymać svaich
Tyja, chto pracujuć u Polščy i Litvie, pry padačy padatkovaj dekłaracyi za minuły hod mohuć nakiravać 1,2—1,5% padachodnaha padatku na dziejnaść hramadskich arhanizacyj. Pry hetym vy ničoha dadatkova nie patracicie, a prosta pieranakirujecie ŭžo spłačanyja padatki. Kali łaska, padtrymajcie sioleta «Našu Nivu». Voś jak možna heta zrabić.
Polšča
(instrukcyja dla Litvy budzie nižej)
U Polščy padatkovyja dekłaracyi (RIT) padajuć z 15 lutaha pa 30 krasavika.
Kab heta zrabić, nieabchodna zajści na sajt podatki.gov.pl
Sajt dastupny na troch movach: polskaj, anhlijskaj i ŭkrainskaj. Paśla aŭtaryzacyi vy trapicie na epit.podatki.gov.pl, sistema prapanuje vam zapoŭnić nieabchodnuju formu.
Dla pačatku padačy dekłaracyi treba nacisnuć na Złóż PIT.
Padčas zapaŭnieńnia dekłaracyi hałoŭnaje — nie prapuścić punkt «1,5% podatku dla OPP» (pieradača 1,5% padatku, jaki padlahaje vypłacie hramadskaj arhanizacyi).
U poli «numer KRS wybranej organizacji» uviadzicie numar 0000507234 — jon adpaviadaje polskamu fondu-partnioru FaniMani, jaki dapamahaje «Našaj Nivie» sabrać adsotak ad padatku.
Dalej u poli «Cel szczegółowy do przekazania 1,5% podatku» treba ŭvieści ličby 82197 — heta naš ŭnikalny numar arhanizacyi ŭ sistemie FaniMani.
Tamu tut treba być maksimalna pilnymi, bo kali vy nie ŭviadziecie hetyja ličby, to hrošy adpraviacca, ale sistema FaniMani nie budzie viedać, jakoj arhanizacyi jany naležać.
Paśla pastaŭcie ptušačku «Wyrażam zgodę» (zhodzien) naciśnicie knopku «Zatwierdź» (zaćvierdzić). Dalej praciahvajcie zapaŭniać dekłaracyju i adpraŭcie jaje ŭ kancy, kali ŭsio zapoŭniena.
Litva
Dla padačy abaviazkovaj padatkovaj dekłaracyi ŭ Litvie treba zajści ŭ sistemu elektronnaha padatkovaha dekłaravańnia EDS i tam nacisnuć na «Prisijungti prie EDS» (padklučycca da EDS).
Dalej treba abrać sistemu, praź jakuju vy budziecie prachodzić aŭtaryzacyju ŭ sistemu EDS.
U našym prykładzie heta budzie zroblena praz Swedbank, dzie možna abrać ruskuju movu dla interfiejsu.
Paśla prachodžańnia aŭtaryzacyi ŭ «E-pasłuhach» treba vybrać raździeł VMI i nacisnuć «Uvajści».
Paśla hetaha vy traplajecie ŭ partał EDS, dzie i budzie adbyvacca zapaŭnieńnie dekłaracyi.
Kab prystupić da jaje zapaŭnieńnia, nieabchodna nacisnuć na vyjavu hłobusa.
Hetaja staronka dastupnaja tolki na litoŭskaj, ale dalej movu interfiejsu možna źmianić na ruskuju.
Kali vy ŭžo majecie litoŭski DNŽ z 2024 hoda ci raniej i pry hetym pracujecie ŭ litoŭskaj kampanii, to dla padatkovaj vy ŭ lubym vypadku ličyciesia pastajannym žycharom.
Dalej vy pa tekście zapaŭniajecie dekłaracyju, adkazvajučy na pytańni.
Paśla taho, jak vy adkažacie na ŭsie pytańni, sistema prapanuje vam sfarmavać i padać dekłaracyju, paśla čaho vy ŭbačycie sumu, jakuju vam pavinna viarnuć dziaržava, abo sumu, jakuju vy musicie dapłacić.
Nižej budzie radok, dzie budzie napisana, što ŭ vas jość mahčymaść raźmierkavać častku padachodnaha padatku.
Tam treba nacisnuć na «Ja chaču padtrymać».
Dalej interfiejs budzie tolki na litoŭskaj, ale razabracca budzie nieskładana.
Kab pačać zapaŭniać formu, naciśnicie «Pradėti» (pačać).
U radok pošuku treba ŭvieści kod arhanizacyi, jakuju vy chočacie padtrymać, pieraličyŭšy 1,2% ad sumy ŭžo spłačanaha padachodnaha padatku.
Numar «Našaj Nivy» — 305965367. Paśla ŭvodu koda našaj arhanizacyi ŭ vas źjavicca nazva našaj jurydyčnaj asoby ŭ Litvie — Viešoji įstaiga «Nasha Niva Fund».
Abraŭšy ŭ śpisie «Našu Nivu» (Viešoji įstaiga «Nasha Niva Fund»), naciskajem na «Testi» (praciahnuć).
Na nastupnym kroku ŭ radku «Mokesčio dalies dydis (procentais)» (pamier padatkovaj častki (u pracentach)) vy ŭvodzicie ličby 1,2.
I paśla naciskajecie na «lšsaugoti» (zachavać).
Paśla treba jašče raz paćvierdzić vaš vybar i nacisnuć na «Taip, teisingi» (tak, słušna).
Takim prostym i całkam biaspłatnym dla vas čynam vy možacie padtrymać «Našu Nivu» — bastyjon biełaruščyny
-
400‑tysiačny artykuł apublikavany na sajcie «Našaj Nivy». A pra što byli 300-tysiačny, 200-tysiačny, 100-tysiačny?
-
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam
-
Kali vy pracujecie ŭ Polščy, to možacie za chvilinu padtrymać «Našu Nivu» 1,5% padachodnaha, nie patraciŭšy ani hroša. Voś jak
Ciapier čytajuć
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia20
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski88
Kamientary
[Zredahavana]